●ထားဝယ်-ထီးခီးလမ်းတွင်PDFများကစစ်ဆေးသည်ကိုစစ်သားများစီးလာသောကားစစ်ဆေးမခံဘဲတိုက်ပွဲဖြစ် စစ်သား ၂ ဦးသေ
မြိတ်မြို့မှ ပုလောမြို့ဘက်သို့ ထွက်ခွာလာသော စစ်ကောင်စီယာဉ်တန်းကို မိုင်းဆွဲတိုက်ခိုက်ရာ အကြမ်းဖက်စစ်ကောင်စီတပ်သား ၁၀ ဦးကျော်သေဆုံးခဲ့ကြောင်း ဒေသခံကာကွယ်ရေးတပ်ဖွဲ့တစ်ခုဖြစ်သည့် တောကြီးမြွေဟောက်အဖွဲ့က ထုတ်ပြန်သည်။
ယနေ့ (ဧပြီ ၂၆ ရက်) တွင် မြိတ်မြို့မှာ စစ်ကောင်စီကား ၁၀စီးထွက်လာပြီး ကတွဲရွာအနီးတွင် မိုင်းဆွဲတိုက်ခိုက်ခဲ့ရာ ကားနှစ်စီးမီးလောင်ကာ ၇ စီးထိမှန်ခဲ့သည်ဟု ထုတ်ပြန်ချက်တွင်ဖော်ပြထားသည်။
ထိုအပြင် ကျန်တစ်စီးမှာလည်း ဖောက်ခွဲသည့်နေရာအလွန်တွင် ထိုးရပ်သွားခဲ့သည်ဟုသိရသည်။ ထိုတိုက်ခိုက်မူတွင် စစ်ကောင်စီတပ်သား ၁၀ ဦးခန့်သေဆုံးပြီး တောကြီးမြွေဟောက်အဖွဲ့မှထိခိုက်သူမရှိဟုပါရှိသည်။
Public Service Announcement
ထိုအပြင်စစ်ရေးတင်းမာနေသည့် ထားဝယ်-ထီးခီးလမ်းပေါ်ရှိ သဗျာကျေးရွာအုပ်စု၊ မဲချောင်းကျေးရွာတွင် ဒေသခံကာကွယ်ရေးတပ်များက ခရီးလမ်းပိုင်းတွင် စစ်ဆေးစဉ် စစ်ကောင်စီတပ်သားများစီးလာသည့် ကား၃စီးက စစ်ဆေးမခံဘဲ ပြန်လည်ပစ်ခတ်သဖြင့် ယနေ့ (ဧပြီ ၂၆ ရက်) ည ၇နာရီတွင် မိနစ် ၄၀ခန့်တိုက်ပွဲဖြစ်ပွားခဲ့သည်ဟုဒေသခံကာကွယ်ရေးတပ်များကထုတ်ပြန်သည်။
ထိုတိုက်ပွဲတွင် စစ်ကောင်စီတပ်သား ၂ ဦးသေဆုံးပြီး စစ်ကောင်စီတပ်သားများစီးလာသည့် ကား ၃ စီးတွင် နှစ်စီးမှာ ပျက်စီးသွားသည်ဟုသိရသည်။ ကျန်တစ်စီးကိုလည်း ဒေသခံကာကွယ်ရေးတပ်များက သိမ်းဆည်းနိုင်ခဲ့ကြောင်းဖော်ပြထားသည်။
ထိုတိုက်ပွဲကို KNDO အဖွဲ့၊ T1 Zone ပြည်သူ့ကာကွယ်ရေးတပ်မတော်၊ ထားဝယ်မြို့နယ်ပြည်သူ့ကာကွယ်ရေးအဖွဲ့(ပကဖ-ထားဝယ်)၊သရက်ချောင်းမြို့နယ်ပြည်သူကာကွယ်ရေးအဖွဲ့(ပကဖ-သရက်ချောင်း)ပူးပေါင်းဆောင်ရွက်ခဲ့ခြင်းဟုဆိုသည်။
