ပုံတောင်ပုံညာတွင်စခန်းချနေသည့် စစ်ကောင်စီတပ်သား ရှစ်ဦး ချောင်းတစ်ခုအတွင်း ရေချိုးဆင်းစဥ် ယောဒေသပြည်သူ့ကာကွယ်ရေးတပ်ကတိုက်ခိုက်ရာ စစ်ကောင်စီဘက်က ခြောက်ဦးသေဆုံးပြီး နှစ်ဦးထွက်ပြေးလွတ်မြောက်သွားသည်။
ဧပြီ ၂၇ရက် ညနေ ၅နာရီခန့်က စစ်ကောင်စီတပ်ဖွဲ့ဝင်ရှစ်ဦးသည် ပုံတောင်ပုံညာအနီး
ရှုခင်းသာချောင်းတစ်နေရာတွင် ရေချိုးရန်ရောက်ရှ်ိလာစဥ် ယောဒေသပြည်သူ့ကာကွယ်ရေးတပ်၊ တပ်ရင်း (၁၃)က စောင့်ကြိုတိုက်ခိုက်ခဲ့ခြင်းဖြစ်သည်။
” စစ်ခွေးခြောက်ဦးကျပြီး စစ်ခွေးနှစ်ယောက် ဒဏ်ရာနဲ့ထွက်ပြေးလွတ်မြောက်သွားသည်”ဟု ယောဒေသပြည်သူ့ကာကွယ်ရေးတပ်(YDF)က ယနေ့(ဧပြီ ၂၈) သတင်းထုတ်ပြန်သည်။
YDFသည် အကြမ်းဖက်စစ်ကောင်စီစစ်ကြောင်းအား နေ့စဥ်တိုက်ခိုက်နေပြီး ဧပြီ ၂၇ရက် နံနက်ပိုင်း တိုက်ပွဲတွင် စစ်ကောင်စီတပ်သား နှစ်ဦးသေဆုံးခဲ့သည်။ ဧပြီ ၂၆ရက်က တိုက်ပွဲတွင်လည်း စစ်ကောင်စီတပ်သား တစ်ဦးကို လက်နက်ခဲယမ်းများနှင့် ဖမ်းမိခဲ့သည်။ စစ်သုံ့ပန်းစည်းကမ်းနှင့်အညီ ထိန်းသိမ်းထားသည်ဟု YDF က ထုတ်ပြန်ထားသည်။