မကွေးတိုင်း မြိုင်မြို့နယ် သရက်ကန်ကျေးရွာတွင် တပ်စွဲထားသည့် အကြမ်းဖက် စစ်ကောင်စီ တပ်စခန်းကို ပြည်သူ့ကာကွယ်ရေးမဟာမိတ်အဖွဲ့(၁၀)ဖွဲ့ ပူးပေါင်းတိုက်ခိုက်ရာ စစ်ကောင်စီတပ် ၅၀ဦးထက်မနည်းကို သုတ်သင်နိုင်ခဲ့ကြောင်း ကျားသစ်နက်ပြောက်ကျားတပ်ဖွဲ့က သတင်းထုတ်ပြန်သည်။
စစ်ကောင်စီအင်အား ၁၀၀ကျော် တပ်စွဲထားသည့် စခန်းအား ယနေ့(ဧပြီ ၂၉ရက်)နံနက် ၅နာရီကစတင်ကာ ပြည်သူ့ကာကွယ်ရေးမဟာမိတ်အဖွဲ့က ထိုးစစ်ဆင်တိုက်ခိုက်ခဲ့ခြင်းသည်။
“တိုက်ပွဲက မနက် ၅ နာရီက စပြီးတိုက်တယ်။ အစပိုင်းမှာတော့လက်နက်ကြီးတွေနဲ့တရပ်စပ်ပစ်တယ်။ နာရီဝက်လောက်ကြာအောင်လက်နက်ကြီးနဲ့ပစ်ခတ်ပြီး ဖရိုဖရဲဖြစ်တဲ့အချိန်မှာအသင့်စောင့်နေတဲ့တပ်ဖွဲ့ဝင်တွေက ဝင်ရောက်ပစ်ခတ်ခဲ့တာပါခင်ဗျ”ဟု ကျားသစ်နစ် ပြောက်ကျားတပ်ဖွဲ့မှ တော်လှန်ရေးရဲဘော်တစ်ဦးက ပြောသည်။
တိုက်ပွဲတွင် စစ်ကောင်စီတပ်သား ၅၀ ခန့်သေဆုံးပြီး ပြည်သူ့ကာကွယ်ရေးတပ်ဖွဲ့ဝင် ၂ ဦး ပြည်သူများနှင့် နိုင်ငံတော်အတွက်အသက်ပေးလှူခဲ့ရသည်။ နှစ်ဖက် ထိ့ခိုက်သေဆုံးမှုနှင့်ပတ်သပ်၍ People’s Spring က သီးခြားအတည်မပြုနိုင်ပါ ။
အဆိုပါ တိုက်ခိုက်မှုကို ကျားသစ်နက်ပြောက်ကျားတပ်ဖွဲ့၊တွေ့ရာသင်္ချိုင်းဓါးမဆိုင်းတပ်ဖွဲ့၊Fucture Generation ပြောက်ကျားတပ်ဖွဲ့၊Myaing warriors၊Myain Garuda၊ဝံပုလွေပြောက်ကျားတပ်ဖွဲ့၊West Plainေပြာက်ကျားတပ်ဖွဲ့၊Myaing People defence force ၊PRA တပ် ခွဲ (၁၂)နှင့်ဒေသခံ ပြည်သူ့ကာကွယ်ရေးတပ်ဖွဲ့တို့က ပူးပေါင်းတိုက်ခိုက်ခဲ့ခြင်းဟု ဆိုသည်။
စခန်းကိုသိမ်းပိုက်ရန် တိုက်ခိုက်နေစဉ် ပေါက်၊ကမ္မ၊မြိုင်ဖက်မှ စစ်ကောင်စီတပ်ဖွဲ့များရောက်လာပြီး သုံးနေရာမှ ညှပ်၍လက်နက်ကြီးများနှင့်ပစ်ခတ်မှုကြောင့် ပြည်သူ့ ရဲဘော်နှစ်ဦး ကျဆုံးခဲ့သည်ဟု ဆိုသည်။
မြိုင်သည် စစ်အာဏာရှင်အား လက်နက်ကိုင်တော်လှန် ရေးတွင် အလွန်အားကောင်းသည့်ဒေသ ဖြစ်သည်။