မတူပီမြို့မှ ပြန်လာသည့် အာဏာသိမ်းစစ်ကောင်စီယာဉ်တန်းကို ယနေ့မနက်တွင် ဆက်လက်တိုက်ခိုက်ခဲ့ကြောင်း မင်းတပ် ချင်းကာကွယ်ရေးတပ်(CDF) ပြောရေးဆိုခွင့် ရှိသူ ဆလိုင်းဟာအွမ်က ပြောသည်။
မင်းတပ် CDFသည် စစ်ကောင်စီတပ်ယာဉ်တန်းကို ယမန်နေ့ (ဧပြီ ၃၀ရက်)က မင်းတပ် – မတူပီလမ်း မိုင်တိုင် (၇၁)တွင် မိုင်းဆွဲတိုက်ခိုက်ခြင်း၊ ပြောက်ကျားစနစ်ဖြင့် ခြုံခိုတိုက်ခိုက်ခြင်းများပြုလုပ်ခဲ့ စစ်ကောင်စီတပ်က လေးဦးထက်မနည်းသေဆုံးခဲ့သည်။
ယနေ့ မေလ ၁ရက်တွင်လည်း အဆိုပါ စစ်ယာဉ်တန်းကို မိုင်တိုင်အမှတ် (၆၈)နေရာ၌ ဆက်လိုက်တိုက်ခိုက်ခဲ့ခြင်းဖြစ်သည်။
“ကျွန်တော်ကို ဖုန်းဆက်လာတဲ့ ၈နာရီ ၄၅ကနေ အခုအချိန်ထိ ပစ်ခတ်နေတုန်းပဲ။ ဒီတစ်ခေါက်ကတော့ သူတို့ထင်မှတ်မထားဘူးပေါ့ အရင်တုန်းကဆို မိုင် (၇၀)မှာ တိုက်တယ်ဆိုရင် (၆၅)မိုင် ဒါမှ မဟုတ် (၆၀) လောက်မှ တိုက်တာမျိုးရှိတယ်။ မနေ့က ၇၁မှာ ချထားပြီးတော့ အခု (၆၈)မှာ ဖြစ်တာဆိုတော့ အရမ်းကပ်ကပ်လေးတွေ ကျွန်တော်တို့ တိုက်တဲ့အချိန်မှာ သူတို့လုံး၀မထင်မှတ်ထားတဲ့ ပုံစံမျိုးဖြစ်တဲ့အတွက် သူတို့ အထိအခိုက်များမယ်လို့ ယူဆပါတယ်”ဟု မင်းတပ် CDF ပြောရေးဆို ခွင့်ရှိသူ ဆလိုင်းဟာအွမ်က ပြောသည်။
Public Service Announcement
စစ်ကောင်စီတပ်သည် မတူပီမှ ဧပြီ ၂၇ရက်တွင် ထွက်ခွာလာရာ မတူပီ CDFကလည်း ကြားဖြတ်တိုက်ခိုက်မှုများ ပြုလုပ်ခဲ့ရာ စစ်ကောင်စီတပ်မှ သေဆုံးထိခိုက်မှုရှိခဲ့သည်။
