'/%3E%3C/svg%3E){kind=small}
တော်လှန်ရေးလုပ်ဆောင်ရင် ညီညွတ်မှု၊ သတ္တိနဲ့ ရှင်းလင်းပြတ်သားတဲ့ နိုင်ငံရေးရည်မှန်းချက်ရှိရမယ်လို့ ကရင်အမျိုးသားကာကွယ်ရေးတပ် KNDO ဗိုလ်မှူးချုပ်စောနယ်ဒါးမြက ဒီကနေ့မှာ ပြောကြားလိုက်ပါတယ်။
ကရင်အမျိုးသားကာကွယ်ရေးတပ် KNDO ဘက်ကို ဘက်ပြောင်းဝင်ရောက်လာတဲ့ ဗိုလ်မှူးစောစလုံးဦးဆောင်တဲ့ DKBA တပ်ဖွဲ့ဝင်တွေကို ဒီကနေ့ မေ ၅ ရက်မှာ KNDO ဗိုလ်မှူးချုပ်စောနယ်ဒါးမြက ကြိုဆိုဂုဏ်ပြုပွဲလုပ်ဆောင်တာဖြစ်ပြီး အဲ့ဒီဂုဏ်ပြုပွဲမှာ ဗိုလ်မှူးချုပ်စောနယ်ဒါးမြက ပြောကြားခဲ့တာဖြစ်ပါတယ်။
တော်လှန်ရေးလုပ်ရင် ညီညွတ်မှု၊ သတ္တိနဲ့ နိုင်ငံရေးရည်မှန်းချက် ရှင်းလင်းမှုနဲ့ လုပ်ဆောင်ရမှာဖြစ်ပြီး နိုင်ငံရေးရည်မှန်းချက်မရှင်းလင်းပါက ရှေ့ဆက်ခရီးသွားလို့ရမှာ မဟုတ်ပဲ ညီညွတ်မှုနဲ့ သတ္တိမရှိခဲ့ရင်လည်း ဘယ်တော့မှအောင်မြင်မှာမဟုတ်ဘူးလို့ ဗိုလ်မှူးချုပ်စောနယ်ဒါးမြက ပြောပါတယ်။
“အခု တော်လှန်ရေးလုပ်တာ သုံးခုလုပ်ရမယ်။ နံပါတ် ၁ အချက် ညီညွတ်မှုရှိရမယ် နံပါတ် ၂ အချက် သတ္တိရှိရမယ်။ နံပါတ် ၃ ကျနော်တို့နိုင်ငံရေးရည်မှန်းချက် ရှင်းလင်းရမယ်။ နိုင်ငံရေးရည်မှန်းချက်မရှင်းရင် ခရီးသွားလို့မရဘူး။ တော်လှန်ရေးလုပ်တာ သတ္တိရှိရမယ် ညီညွတ်မှုရှိရမယ်။ ညီညွတ်မှုနဲ့ သတ္တိမရှိရင် ဘယ်တော့မှ အောင်မြင်မှမရှိဘူး။ အဲ့ဒါမှတ်ထား။ ကျနော်တို့အောင်မြင်ရမယ်” လို့ ဗိုလ်မှူးချုပ်စောနယ်ဒါးမြက ပြောပါတယ်။
Public Service Announcement
KNDO ထံ ကူးပြောင်းဝင်ရောက်လာတဲ့ DKBA ဗိုလ်မှူးစောစလုံးတို့အဖွဲ့ဟာ စစ်ကောင်စီကိုတော်လှန်တိုက်ခိုက်နေတာဖြစ်ပြီး အဲ့ဒီလိုကူးပြောင်းဝင်ရောက်လာပြီးတဲ့နောက် ဗိုလ်မှူးစောစလုံးအဖွဲ့ကို KNDO ကွန်မန်ဒိုတပ်ရင်းအဖြစ် ဖွဲ့စည်းသွားမယ်လို့ ဗိုလ်မှူးချုပ်စောနယ်ဒါးမြက ပြောကြားထားတာဖြစ်ပါတယ်။
