စစ်ကိုင်းတိုင်း၊ မုံရွာ-မန္တလေးလမ်းပေါ်တွင် ယမန်နေ့ညက အကြမ်းဖက်စစ်ကောင်စီတပ်ယာဥ်နှစ်စီး မိုင်းဆွဲတိုက်ခိုက်ခံရပြီး ထိခိုက်မှုများရှိနိုင်ကြောင်း ဒေသခံများက ပြောသည်။
ယမန်နေ့ (မေလ ၅ရက်) ည ၉နာရီမိနစ်၄၀ခန့်က စစ်ကိုင်းမြို့နယ် ညောင်ပင်ဝန်းကျေးရွာရှိ အကြမ်းဖက်စစ်အုပ်စုသည် ယာဥ်နှစ်စီးဖြင့် မြင်းမူမြို့နယ်ထီးဆောင်းသို့ ထွက်လာခဲ့သည်။
အဆိုပါကားနှစ်စီးသည် မုံရွာ-မန္တလေးလမ်းပေါ် ကန်ဖျားဇရပ်နဲ့ထီးဆောင်းကြားတွင် မိုင်းမိခဲ့ခြင်းဖြစ်ပြီး ယာဥ်တစ်စီးထိကာ အကြမ်းဖက်စစ်သား အသေအပျောက်များနိုင်သည်ဟု ဒေသခံများက ပြောသည်။
မြေပြင်အနေထားအရ ပြန်လည်ဆုတ်ခွာခဲ့၍ စစ်ကောင်စီတပ်သား ထိခိုက်သေဆုံးမှုအရေအတွက် အတည်မပြုနိုင်သေးကြောင်း မဟာမိတ်အဖွဲ့များက ပြောသည်။
Public Service Announcement
အဆိုပါတိုက်ခိုက်မှုကို Moe Nyo Revolution Force(MNRF)၊ Pantagram (ငါးထောင့်ကြယ်)၊ Sagaing Special Operation Forces (SSOF) စသည့် မဟာမိတ်အဖွဲ့များက ပူးပေါင်းတိုက်ခိုက်ခဲ့ကြခြင်းဖြစ်သည်။
အကြမ်းဖက်စစ်တပ်သည် ညောင်ပင်ဝန်းကျေးရွာတွင်တပ်စွဲထားပြီး ရွာခံများနှင့် လမ်းသွားလမ်းလာပြည်သူများကိုပါ ဒုက္ခပေးလျက်ရှိသည်ဟု ဒေသခံများက ပြောသည်။
မုံရွာ-မန္တလေးလမ်းပေါ်တွင် အကြမ်းဖက်စစ်ကောင်စီတပ်ကားများ မကြာခဏ မိုင်းဆွဲတိုက်ခိုက်ခံရလေ့ရှိသည်။
