အာဏာသိမ်းစစ်ကောင်စီခေါင်းဆောင် မင်းအောင်လှိုင်က တိုင်းရင်းသားလက်နက်ကိုင်အဖွဲ့ခေါင်း ဆောင်များနှင့် ဆွေးနွေးလိုကြောင်း ဖိတ်ခေါ်ချက်ကို မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး(ABSDF) က လက်မခံဘဲ ပယ်ချလိုက်သည်။
တိုင်းရင်းသားလက်နက်ကိုင်ခေါင်းဆောင်များနှင့် သူကိုယ်တိုင် ဆွေးနွေးလိုကြောင်း မင်းအောင်လှိုင်က ဧပြီ ၂၂ရက်တွင် ထွက်ပြောခဲ့သည့်အပြင် မေလ ၂ရက်တွင် တိုင်းရင်းသားလက်နက်ကိုင်အဖွဲ့များထံ စာပို့၍ ထပ်မံ အဆိုပြုကမ်းလှမ်းခဲ့သည်။
အဆိုပါ ကမ်းလှမ်းချက်တွင် အားလုံးပါဝင်သည့် တန်းတူရည်တူ ဆွေးနွေးအဖြေရှာရန် ပြည့်စုံလုံလောက်သော အခင်းအကျင်းမရှိသည့်အတွက် တက်ရောက်နိုင်မည်မဟုတ်ဟု ABSDFက သဘောထား ထုတ်ပြန်သည်။
ထို့ကြောင့် ပါဝင်သင့် ပါဝင်ထိုက်သူများအားလုံး ပါဝင်ပြီး တန်းတူရည်တူ ဆွေးနွေးနိုင်သည့် အဓိပ္ပါယ် ပြည့်၀သော နိုင်ငံရေးတွေ့ဆုံဆွေးနွေးမှုများ ပေါ်ပေါက်လာရန်လိုအပ်ကြောင်း ABSDFက သဘောထား ထုတ်ပြန်ခဲ့သည်။
Public Service Announcement
စစ်ကောင်စီခေါင်းဆောင်၏ ကမ်းလှမ်းချက်ကို ကရင်အမျိုးသားအစည်းအရုံး(KNU)၊ ကချင်လွတ်လပ်ရေးအဖွဲ့(KIO)၊ကရင်နီအမျိုးသားတိုးတက်ရေးပါတီ(KNPP)၊ ချင်းအမျိုးသားတပ်ဦး(CNF)တို့က လက်မခံဘဲ ပယ်ချထားသည်။
