ကျောက်ဆည်ပညာရေးသပိတ်ကို ဦးဆောင်ပါဝင်ခဲ့တဲ့ CDM ကျောင်းဆရာကို ရှာမတွေ့တာကြောင့် ၄ နှစ်ခွဲအရွယ်သမီးဖြစ်သူအပါအဝင် မိသားစုဝင် ၉ ဦးကိုစစ်ကောင်စီက ဓားစာခံအဖြစ် ဖမ်းဆီးသွားတယ်လို့သိရပါတယ်။
CDM ကျောင်းဆရာ ရဲ့ ၄နှစ်ခွဲအရွယ်သမီးဖြစ်သူမရှကီ ကို မေလ ၄ ရက်က ဖမ်းဆီးသွားတာပါ။
ကလေးငယ်ကိုမဖမ်းခင် ပြီးခဲ့တဲ့ ဧပြီလကုန်ပိုင်းနဲ့မေလဆန်းပိုင်းမှာ ကျောင်းဆရာရဲ့ဇနီး ၊ မိဘ ၂ ပါး ၊အကို ၂ ဦး ၊ ညီမ ၊ ယောက်က္ခမ နဲ့ခယ်မ တို့လည်း အသီးသီး ဖမ်းဆီးခံခဲ့ရတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) ကသတင်းထုတ်ပြန်ထားပါသေးတယ်။
ပြီးခဲ့တဲ့ ဧပြီလအတွင်းကလည်း ရန်ကုန်မှာ ကလေးမိခင်အမျိုးသမီးကိုဖမ်းဆီးပြီးနောက် အသက် ၄ နှစ်အရွယ် ကလေး ကိုမူကြိုကျောင်းမှာစစ်ကောင်စီကသွားရောက်ခေါ်ဆောင်ဖမ်းဆီးခဲ့တာဖြစ်ခဲ့ပါတယ်။
Public Service Announcement
ဒီလို ကလေးငယ်တွေကိုဖမ်းဆီးခေါ်ဆောင် တဲ့လုပ်ရပ်နဲ့ပတ်သက်ပြီး စစ်ကောင်စီဟာ သတင်းအမှောင်ချထားတာတွေ့ရပါတယ်။
