ရှမ်း-ကယား(ကရင်နီ) ဒေသအစပ် မိုးဗြဲမြို့အခြေစိုက် (ခြေမြန်တပ်ရင်း) ခမရ -၄၂၂ တပ်ရင်းအနီးရှိ စစ်ကောင်စီတပ်ကို ဝင်ရောက်တိုက်ခိုက်ရာ သုံးဦးထက်မနည်းသေဆုံးကြောင်းမိုးဗြဲပြည်သူ့ကာကွယ်ရေးတပ်-MBPDF က ထုတ်ပြန်သည်။
ယနေ့(မေ ၁၄ ရက်) နံနက် အစောပိုင်းတွင် မိုးဗြဲ ပြည်သူ့ကာကွယ်ရေးတပ်- MB PDF မှ ပြောက်ကျားဝင်ရောက်တိုက်ခိုက်ခဲ့ပြီး ပစ်ခတ်မှုကြာချိန် မိနစ်(၃၀) အတွင်း အကြမ်းဖက်စစ်ကောင်စီတပ်ကို အနီးကပ် စွန့်စွန့်စားစား ပစ်ခတ်ခဲ့သည်ဟုဖော်ပြထားသည်။
တိုက်ပွဲအတွင်းအကြမ်းဖက်စစ်တပ်ဘက်မှ (၃)ဦးထက်မနည်း သေဆုံးခဲ့ပြီး MB PDF မှ ရဲဘော်(၂)ဦး ထိခိုက်ဒဏ်ရာ ရရှိခဲ့သည်။
“မနက်က ၅ နာရီကျော် ခြောက်နာရီလောက်မှာသေနတ်သံတွေကြားရတာ။တော်တော်တော့ကြာတယ်။မိနစ် နှစ်ဆယ်နီးပါးလောက်ကို ကြားရတာ”ဟု မိုးဗြဲမြို့နေဒေသခံ
တစ်ဦးက လူထုနွေဦးသို့ပြောသည်။
Public Service Announcement
ထိခိုက်ဒဏ်ရာရ ရဲဘော်တစ်ဦးသည် စိုးရိမ်ရသော်လည်း MOBYE PDF Rescue Team- MPRT မှ စနစ်တကျ ကုသပေးလျက်ရှိကြောင်းလည်း အသိပေးသည်။
ရဲဘော်များ၏ ခဲယမ်း၊ မီးကျောက်များသည် အားနည်းနေသည့်အတွက် မိဘပြည်သူများအနေဖြင့် ထပ်မံ ထောက်ပံ့ပေးရန် လည်း MB PDF တောင်းဆိုသည်။
