ရေစကြိုမြို့နယ်တွင် စစ်​ကောင်စီတပ်ကို မဟာမိတ် ၁၈ ဖွဲ့ပူး​ပေါင်းတိုက်ခိုက် စစ်သား ၂၅ ဦး​သေဆုံး

မကွေးတိုင်း၊ ရေစကြိုမြို့နယ်တွင် အကြမ်းဖက်စစ်တပ်အား မဟာမိတ်၁၈ ဖွဲ့ပူးပေါင်းတိုက်ခိုက်ရာ အကြမ်းဖက်စစ်သား ၂၂ ဦးသေဆုံးကြောင်း မဟာမိတ်အဖွဲ့များက သတင်းထုတ်ပြန်သည်။

မေလ ၁၂ ရက်နေ့က မကွေးတိုင်း ရေစကြိုမြို့နယ်၊ ဘိစပ်ကုန်းရွာနှင့် လှေကုတ်ရွာမှ နေအိမ်များအား မီးရှို့ဖျက်ဆီးခဲ့ကြောင်း၊ မီးရှို့ပြီးနောက် ထွက်ခွာလာစဥ် ညနေ ၃း၃ဝ ခန့်တွင် PDF-Taloke(မြင်းခြံခရိုင် တပ်ရင်း၂)၏ ဦးဆောင်မှုဖြင့် လမ်းကြောင်းဖြတ်တောက် တိုက်စစ်ဆင်ခဲ့ကြောင်း မဟာမိတ်အဖွဲ့များက ပြောသည်။

အပြန်အလှန်ပစ်ခတ်ကြရာ အကြမ်းဖက်စစ်တပ်ဘက်မှ ၂၂ ဦးသေဆုံးပြီး ကျန်ရှိ အကြမ်းဖက်အဖွဲ့ဝင်များ လှေခုတ်ရွာတွင်း ပုန်းခိုသွားသည်ဟု မဟာမိတ်တို့ကဆိုသည်။အကြမ်းဖက်စစ်တပ်၏ ပစ်ခတ်မှုကြောင့် ပြည်သူ့ကာကွယ်ရေးရဲဘော်တစ်ဦးခြေထောက်ကျည်ထိပြီးဆေးကုသမှုခံယူနေ
သည်ဟု ၎င်းအဖွဲ့များက ပြောသည်။

အကြမ်းဖက်စစ်တပ်သည် ထိုညက လှေခုတ်ရွာတွင်ညအိပ်ခဲ့ပြီး နံနက်လင်း၍ ၁၃ ရက်နေ့တွင် တည်းခိုခဲ့သည့် လှေခုတ်ရွာကို မီးရှို့ဖျက်ဆီးခဲ့ကြောင်း၊ ပြည်သူ့ကာကွယ်ရေးအဖွဲ့များက မီးငြှိမ်းသတ်ရန် အရဲစွန့်ရှေ့တိုးလာခဲ့ကြပြီးအကြမ်းဖက်စစ်တပ်က ပစ်ခတ်ခဲ့ရာ ဘီလုံးပြောက်ကျားတပ်ဖွဲ့မှရဲဘော်တစ်ဦးကျည်ထိမှန်သေဆုံးခဲ့သည်ဟုမဟာမိတ်တို့ကပြောသည်။

Public Service Announcement

အကြမ်းဖက်စစ်ကောင်စီကင်းပုန်း၏ G3ကျည်မှာ ဘီလုံးပြောက်ကျားတပ်ရဲဘော်၏ ခါးသို့ထိမှန်ခဲ့ခြင်းဖြစ်ပြီး ဆေးအဖွဲ့ထံမှ အစွမ်းကုန် ကြိုတင်ဆေးကုသမှုခံယူခဲ့သော်လည်း ဆက်လက်ကုသရန်စီစဥ်နေစဥ် မြင့်မြတ်စွာကျဆုံးခဲ့ရသည်ဟု Myaung Union Army က ပြောသည်။

အဆိုပါစစ်ဆင်ရေးအား ပြည်သူ့တပ်မတော်မြောင်၊CDSOM၊BGF၊ MGN Tiger၊ MTGR၊ GGG၊ ဒေါင်းစစ်သည်၊ မြောင်တောင်သူလယ်သမားအဖွဲ့၊ Shwe Ao Revolution Gorce၊ CRF မြင်းမူ၊MG6ပြောက်ကျားတပ်၊ BEDF-MMU၊ MGN 36၊ ဘီလုံးပြောက်ကျားတပ်ဖွဲ့၊ သိန်းငှက် ပြောက်ကျားတပ်ဖွဲ့၊ ဖီးနစ်ပြောက်ကျားတပ်ဖွဲ့၊ ရေလယ်ကျွန်းတပ်ပေါင်းစုတို့ ပူးပေါင်းတိုက်ခိုက်ခဲ့ကြသည်။

အကြမ်းဖက်စစ်ကောင်စီတပ်သည် ရေစကြိုရေလယ်ကျွန်းဒေသရှိကျေးရွာများအား စစ်ကြောင်းထိုးနေပြီးရက်သတ္တပတ်အတွင်းကျေးရွာ၁၀ရွာမှ နေအိမ်၆၀ ကျော်မီးရှို့ဖျက်ဆီးခံထားရသည်။