အကြမ်းဖက်စစ်ကောင်စီ လေတပ်သည် လေ့ကေ့ကော်ဒေသရှိ ကော်ဘရာစစ်ကြောင်း၏ စခန်းကုန်းငယ်တစ်ခုနှင့်အခြားကုန်းငယ်နှစ်ခုကိုယနေ့ (မေလ ၁၉ ရက်) တွင်နှစ်ကြိမ်ဗုံးကြဲတိုက်ခိုက်ရာ တပ်ဖွဲ့ဝင်သုံးဦးဒဏ်ရာရပြီး ၁ ဦးမှာစိုးရိမ်ရကြောင်း ကော်ဘရာစစ်ကြောင်းကထုတ်ပြန်သည်။
အကြမ်းဖက် စစ်ကောင်စီတပ်၏ သေ့ဘောဘိုးစခန်းကုန်းအား ကော်ဘရာစစ်ကြောင်းနှင့် ပူးပေါင်းတပ်များက လေကြောင်းတိုက်ခိုက်မှု (၃၅) ကြိမ်အား ကြံ့ကြံခံ၍ မေလ (၁၈) ရက်နေ့ နေ့လည်ပိုင်းတွင် အောင်မြင်စွာ သိမ်းယူနိုင်ခဲ့ပြီးနောက် တစ်ရက်တွင် လေ့ကေကော်ဒေသသို့ လာရောက်ဗုံးကျဲခဲ့ခြင်းဖြစ်သည်။
လေးကေ့ကော်ရှိ ကော်ဘရာစစ်ကြောင်း၏ စခန်းငယ်တစ်ခုကိုမေ ၁၉ နံနက် (၂)နာရီခန့်တွင် တစ်ကြိမ်၊ အခြားတောင်ကုန်းငယ် တစ်ကုန်းအား မွန်းလွှဲ နှစ်နာရီခွဲခန့်တွင် တစ်ကြိမ် ဗုံးကြဲတိုက်ခိုက်ခဲ့ခြင်းဖြစ်သည်။ အဆိုပါ လေကြောင်းတိုက်ခိုက်မှုကြောင့် ကော်ဘရာစစ်ကြောင်းမှ ရဲဘော် သုံးဦး ထိခိုက်ဒဏ်ရာ ရရှိခဲ့ပြီး ၎င်းတို့အနက်မှ တစ်ဦးသည် ပြင်းထန်ပြီးစိုးရိမ်ရကြောင်း ဖော်ပြထားသည်။
ကော်ဘရာစစ်ကြောင်းနှင့်ပူးပေါင်းတပ်များကစစ်ကောင်စီ၏ သေ့ဘောဘိုးစခန်းကို တိုက်ခိုက်သိမ်းပိုက်ရာ စစ်သားသေဆုံးမှုများပြီး ၆ ဦးကိုဖမ်းမိကာ လက်နက်ခဲယမ်းများစွာ ရရှိခဲ့သည်။
Public Service Announcement
တိုက်ပွဲတွင် ကော်ဘရာစစ်ကြောင်းနှင့် ပူးပေါင်းတပ်ဖွဲ့များဘက်မှ တော်လှန်ရေးရဲဘော် (၃)ဦးကျဆုံးခဲ့ပြီး ၄ဦးဒဏ်ရာရခဲ့သည်ဟု ထုတ်ပြန်သည်။
စစ်ကောင်စီတပ်ထံမှ ကနဦးသိမ်းဆည်းရမိသည့်လက်နက်ခဲယမ်းများမှာ ၈၁ မမ တာဝေး စိန်ပြောင်း (၁)လက်၊ ၆၀ မမ တာဝေးစိန်ပြောင်း(၁)လက်၊ MA -10 အမျိုးအစား RPG (၁) လက်၊ ၆၀ မမကွန်မန်ဒိုစိန်ပြောင်း (၁)လက်၊ MG – 3 စက်လတ်(၁)လက်၊ MA – 2 (၄)လက်၊ MA – 3 (၂) လက်၊ MA – 5 (၁)လက် စုစုပေါင်းလက်နက်ကြီး၊ လက်နက်ငယ် ၁၂လက် နှင့် ခဲယမ်းများ၊ နင်းမိုင်း နှင့် ဒရုန်း အပါအဝင် စစ်အသုံးအဆောင် ပစ္စည်းများ သိမ်းဆည်းရမိခဲ့သည်ဟု ဖော်ပြထားသည်။
အရှင်ဖမ်းဆီးရမိသော အကြမ်းဖက်စစ်ကောင်စီ တပ်ဖွဲ့ဝင်များတွင် တပ်ကြပ်ကြီး ၂ဦး၊ တပ်ကြပ် ၁ဦး၊ ဒုတပ်ကြပ် ၁ဦး နှင့် တပ်သား ၂ဦးတို့ ပါဝင်ပြီး စစ်သုံ့ပန်း စည်းမျဉ်းဥပဒေနှင့်အညီ ကောင်းမွန်စွာ ထိန်သိမ်းကာ ဆေးကုသပေးထားသည်ဟု ထုတ်ပြန်သည်။ ထိုအပြင် စစ်ကောင်စီတပ်သေဆုံးသူများတွင် ဒုတိယ တပ်ရင်းမှူးတစ်ဦးပါဝင်ကြောင်းလည်းKIC သတင်းဌာနကဖော်ပြသည်။
