ဒေါ်ခင်ကြည်ဖောင်ဒေးရှင်းအမှု ဒေါ်အောင်ဆန်းစုကြည် ကို အဂတိအမှု ၄ မှုနဲ့စွဲချက်တင်

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပေါ် ဒေါ်ခင်ကြည်ဖောင်ဒေးရှင်းနဲ့ပတ်သက်ပြီး စွဲဆိုထားတဲ့အဂတိမှုတွေနဲ့ စွဲချက်တင်ဖို့ တရားရုံးက ဒီနေ့မှာ ဆုံးဖြတ်လိုက်ပါတယ်။

ရန်ကုန်နဲ့ နေပြည်တော်မှာ ဒေါ်ခင်ကြည်ဖောင်ဒေးရှင်းအတွက် မြေနေရာရယူတာ ၊အဆောက်အအုံဌားရမ်းတာတွေနဲ့ပတ်သက်ပြီး စစ်ကောင်စီက ဒေါ်အောင်ဆန်းစုကြည်ကို အဂတိပုဒ်မ နဲ့အမှု ၄ မှု တရားစွဲဆိုထားတာပါ။

ဒီအမှုတွေကို စွဲဆိုထားတဲ့ အဂတိပုဒ်မနဲ့ပဲဆက်လက်စစ်ဆေးဖို့ တရားရုံးက ဒီနေ့မှာ စွဲချက်တင်အမိန့်ချ လိုက်တာဖြစ်ပါတယ်။

ဒေါ်ခင်ကြည်ဖောင်ဒေးရှင်အမှုနဲ့ပတ်သက်ပြီး စစ်ကောင်စီဟာ NLD အစိုးရ နေပြည်တော်မြို့တော်ဝန် ဒေါက်တာမျိုးအောင် ၊ နေပြည်တော်ဒုတိယမြို့တော်ဝန် ဦးရဲမင်းဦး နဲ့ နေပြည်တော် စည်ပင်ကောင်စီကော်မတီဝင် ဦးမင်းသူတို့ကိုလည်း တရားစွဲဆိုထားပါတယ်။

Public Service Announcement