မြောင်မြို့နယ်အတွင်း စစ်ကြောင်းထိုးနေသည့် စစ်ကောင်စီတပ်ကို တစ်ရက်တည်း နှစ်ကြိမ်တိုက်ခိုက်ခဲ့ကြောင်း မြောင်မြို့နယ် ပြည်သူ့ကာကွယ်ရေးအထူးတပ်ဖွဲ့(MSPDF)က ယနေ့ မေလ၂၅ရက် တွင် ထုတ်ပြန်သည်။
ယမန်နေ့(မေ ၂၄)နံနက်က အင်အား ၁၀၀ခန့်ဖြင့် မြောင်မြို့နယ် ဖွားစောရွာအား မီးရှို့ပြီးပြန်ထွက်လာသော စစ်ကောင်စီတပ်ကို လှေတင်ဦးနှင့် ကူးတို့ကုန်းရွာကြားအရောက် နံနက် ၁၀ နာရီခန့်တွင် ဒရုန်းဖြင့် အီးနာဂါဗုံးသီးနှစ်လုံးဖြင့် တိုက်ခိုက်ခဲ့ကြောင်း ထုတ်ပြန်ချက်တွင် ဖော် ပြသည်။
ယင်းနောက် အဆိုပါစစ်ကြောင်းအား နေ့လယ် ၁၂ နာရီ ၄၅ ခန့်တွင် ကူးတို့ကုန်းနှင့် မြောင်မြို့ကြားတစ်နေရာတွင် ဒုတိယအကြိမ် ဖောက် ခွဲတိုက်ခိုက်ခဲ့ရာ စစ်ကောင်စီတပ်သား ခြောက်ဦးသေပြီး နှစ်ဦးဒဏ်ရာပြင်းထန်စွာရရှိသွားကြောင်း ထုတ်ပြန်သည်။
အထက်ပါတိုက်ခိုက်မှုများကို စစ်ကိုင်းခရိုင် တပ်ရင်း အမှတ်(၄)(MSPDF)၊ ခြင်းခြံခရိုင် တပ်ရင်းများဖြစ်သော အမှတ် (၁)၊ အမှတ် (၂)နှင့် BGF တပ်၊ NRDF တပ်တို့ ပူးပေါင်းတိုက်ခိုက်ခဲ့ခြင်း ဖြစ်သည်။
Public Service Announcement
မေလ၈ ရက်ကလည်း MSPDF နှင့် မဟာမိတ်တပ်များ ပူးပေါင်းတိုက်ခိုက်မှုကြောင့် စစ်ကောင်စီတပ်မှ ခြောက်ဦးသေဆုံးခဲ့သေးသည်။
