Connect with us

Hi, what are you looking for?

သတင်း

ကုလလုံခြုံရေးကောင်စီအဖွဲ့ဝင်များနှင့် စစ်​ကောင်စီကိုအဓိကတိုက်နေ​သော ကရင်၊ ကချင်၊ ကရင်နီ၊ ချင်း တိုင်းရင်းသားလက်နက်ကိုင်အဖွဲ့ကိုယ်စားလှယ်များ အလွတ်သဘောဆွေးနွေး

ကုလလုံခြုံရေးကောင်စီအဖွဲ့ဝင်များနှင့် တွေ့ဆုံဆွေးနွေးခဲ့သည့် တိုင်းရင်းသားလက်နက်ကိုင်အဖွဲ့ များသည် ပြည်သူများနှင့်ပူး​ပေါင်း၍ စစ်ကောင်စီတပ်ကို ခုခံတိုက်ခိုက်နေသည့် အဖွဲ့များဖြစ်သည်။

(ကုလလုံခြုံ​ရေး​ကောင်စီအဖွဲ့ဝင်နိုင်ငံများနှင့် စစ်​ကောင်စီကိုအဓိကတိုက်​နေ​သော ကရင်၊ကချင်၊ ကရင်နီ၊ ချင်း တိုင်းရင်းသားလက်နက်ကိုင်အဖွဲ့ကိုယ်စားလှယ်များအလွတ်သ​​​​ဘော​ဆွေး​နွေးစဥ်။ ။ဓါတ်ပုံ-KPICT)

●စစ်တပ်ဝင်ငွေလမ်းကြောင်းဖြတ်တောက်ရေးအပါအဝင် အရေးကြီးအ​ကြောင်းအရာ​လေးခုဆွေးနွေးခဲ့ဟု KPICT အသိပေး

ကမ္ဘာ့ကုလသမဂ္ဂ လုံခြုံရေးကောင်စီအဖွဲ့ဝင်များနှင့် ကရင်၊ ကချင်၊ ကရင်နီနှင့် ချင်းလက်နက်ကိုင်အဖွဲ့ ကိုယ်စားလှယ်များ မေလ ၂၅ရက်က တွေ့ဆုံ၍ မြန်မာနိုင်ငံအရေးကိစ္စများအပေါ် အလွတ်သ​ဘော ဆွေးနွေးခဲ့သည်။

Norway Mission အစီအစဉ်ဖြင့်ပြုလုပ်သည့် အဆိုပါ ဆွေးနွေးပွဲသို့ကချင်လွတ်လပ်ရေးအဖွဲ့(KIO) အပါအဝင် ကချင်နိုင်ငံရေးအင်အားစုများဖြင့်ဖွဲ့စည်းထားသည့် ကချင် နိုင်ငံရေးဆိုင်ရာ ကြားကာလညှိနှိုင်းရေးအဖွဲ့(KPICT)အတွင်းရေးမှူး Salang Nsang Gum San အပါအဝင် ကရင်အမျိုးသားအစည်းအရုံး(KNU)၊ ချင်းအမျိုးသားတပ်ဦး(CNF)နှင့် ကရင်နီ ကိုယ်စားလှယ် တို့ တက်ရောက်သည်ကို KPICTက ထုတ်ပြန်ခဲ့သည့် ဓာတ်ပုံ၌ တွေ့ရသည်။

(ကုလလုံခြုံ​ရေး​ကောင်စီအဖွဲ့ဝင်နိုင်ငံများနှင့် စစ်​ကောင်စီကိုအဓိကတိုက်​နေ​သော ကရင်၊ကချင်၊ ကရင်နီ၊ ချင်း တိုင်းရင်းသားလက်နက်ကိုင်အဖွဲ့ကိုယ်စားလှယ်များအလွတ်သ​​​​ဘော​ဆွေး​နွေးစဥ်။ ။ဓါတ်ပုံ-KPICT)

အဆိုပါ ဆွေးနွေးပွဲတွင် အဓိကတင်ပြခဲ့သောအချက်များမှာ(၁) စစ်တပ်၏ အဓိကငွေကြေးထောက်တိုင်ကြီးတစ်ရပ်ဖြစ်သည့် ရေနံလုပ်ငန်းမှ ဝင်ငွေလမ်းကြောင်းများအား ဖြတ်တောက်နိုင်ရေးသည် အလွန်အရေးကြီးကြောင်း၊ (၂)ကမ္ဘာ့ကုလသမဂ္ဂ လုံခြုံရေးကောင်စီအနေဖြင့် တိုင်းရင်းသားတော်လှန်ရေးအဖွဲ့အစည်းအသီးသီးနှင့် မျက်နှာစုံညီတွေ့ဆုံဆွေးနွေးရန် အလွန်အရေးကြီးကြောင်း၊ (၃) လိုအပ်သော လူသားချင်းစာနာကူညီရေး အထောက်အပံ့များအားအိမ်နီးချင်းနိုင်ငံတို့၏ နယ်စပ်ဂိတ်များမှတဆင့် သယ်ယူပို့ဆောင်နိုင်ရာတွင် ကူညီဆောင်ရွက်ပေးရန် လိုအပ်ကြောင်း နှင့် (၄) အာဆီယံနိုင်ငံတို့မှပူးပေါင်းဆွေးနွေးရန်လမ်းစဉ်အကောင်အထည်ဖော်ရေး တိုက်တွန်းနေခြင်းမှာ ငြိမ်းခါနီးသည့်မီးတောက်အား၊ အသက်ပြန်သွင်းသည့်အသွင် မဖြစ်စေရန် အရေးကြီးကြောင်း အချက် များဖြစ်သည်ဟု KPICTက ထုတ်ပြန်သည်။

Public Service Announcement

Public Service Announcement

(ကုလလုံခြုံ​ရေး​ကောင်စီအဖွဲ့ဝင်နိုင်ငံများနှင့် စစ်​ကောင်စီကိုအဓိကတိုက်​နေ​သော ကရင်၊ကချင်၊ ကရင်နီ၊ ချင်း တိုင်းရင်းသားလက်နက်ကိုင်အဖွဲ့ကိုယ်စားလှယ်များအလွတ်သ​​​​ဘော​ဆွေး​နွေးစဥ်။ ။ဓါတ်ပုံ-KPICT)

အဆိုပါ အချက်များအပြင် အခြားအရေးကြီး ကိစ္စရပ်များ အား ဆွေးနွေးခဲ့ကြောင်း ထုတ်ပြန်ခဲ့သော်လည်းအသေးစိတ်ဖော်ပြမထားပေ။

ကုလလုံခြုံရေးကောင်စီအဖွဲ့ဝင်များနှင့် တွေ့ဆုံဆွေးနွေးခဲ့သည့် တိုင်းရင်းသားလက်နက်ကိုင်အဖွဲ့ များသည် ပြည်သူများနှင့်ပူး​ပေါင်း၍ စစ်ကောင်စီတပ်ကို ခုခံတိုက်ခိုက်နေသည့် အဖွဲ့များဖြစ်သည်။

ဆက်စပ်သတင်းများ

သတင်း

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော မြို့နယ်များကို စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ လေကြောင်းကိုအသုံးပြုကာ ဗုံးကြဲတိုက်ခိုက်မှုကြောင့် ဇန်နဝါရီလအတွင်း ပြည်သူ၁၃ ဦးသေဆုံးခဲ့ပြီး ၂၆ဦးဒဏ်ရာရရှိခဲ့ဟု TNLAက သတင်းထုတ်ပြန်သည်။

သတင်း

၃ ရက်အတွင်းစစ်​ရှောင်ပြည်သူ ၉ ဦး​သေဆုံး

သတင်း

ညနက်ပိုင်းတွင် လေကြောင်းတိုက်ခိုက်မှုဆက်တိုက်ပြုလုပ်ခဲ့

သတင်း

စစ်ကောင်စီဘက်က အင်အားအလုံးအရင်းဖြင့် ထိုးစစ် ဆင်နေသော မိုးဗြဲ မြို့ကို တော်လှန်ရေးပူးပေါင်းတပ် များ ထိန်းချုပ်ထားနိုင်ဆဲဖြစ်​ကြောင်း ကရင်နီအမျိုးသားများ ကာကွယ်ရေးတပ် KNDF က ယနေ့ ထုတ်ပြန်သည်။