အာဏာသိမ်း စစ်ကောင်စီကို ထောက်ပံ့နေပြီး မူးယစ်ဆေးဝါးဖြန့်ဖြူးခြင်းများ လုပ်ဆောင်နေသည့် ရန်ကုန်မြို့ တောင်ဥက္ကလာပမြို့နယ်ရှိ Woodland X Barကို ဗုံးခွဲတိုက်ခိုက်ခဲ့ကြောင်း တရားမျှတမှုယူဆောင်သူတပ်ဖွဲ့ (Justice Bringer Force -JBF)မှတာဝန်ရှိသူတစ်ဦးက ပြောသည်။
မေလ ၃၀ရက် နံနက် ၅ နာရီခန့်တွင် ဗုံးခွဲတိုက်ခိုက်ခဲ့ခြင်းဖြစ်ပြီး ယင်းဆိုင်မှ ကားတစ်စီးနှင့် မီးစက်ထိခိုက်မှုရှိကြောင်း ၎င်းက ဆိုသည်။
“ခရိုနီအသိုင်းအဝိုင်းနဲ့ တော်တော်နီးနီးစပ်စပ်ရှိတယ်။ ပစ္စတိုခါးကြားထိုးပြီး သွားလာနေတဲ့သူတွေ အဲဒီ့ဆိုင်မှာရှိတယ်။ ပျူစောထီးတွေ။ “ဟု ၎င်းက ပြောသည်။
အဆိုပါဆိုင်ကို စစ်ကောင်စီကို ထောက်ခံနေသည့် ရှမ်းလက်နက်ကိုင်အဖွဲ့က ပိုင်ဆိုင်သည်ဟု သိရသော်လည်း အတည်မပြုနိုင်ကြောင်း ၎င်းက ဆက်ပြောသည်။
Public Service Announcement
ပြည်သူများအနေဖြင့် ခရိုနီများပိုင်ဆိုင်သည့်နေရာများ အကြမ်းဖက်စစ်တပ်ကို အားပေးထောက်ခံသည့်နေရာများကို သွားရောက်ခြင်းမပြုရန် မေတ္တာရပ်ခံထားသည်။
