Connect with us

Hi, what are you looking for?

သတင်း

စစ်​ကောင်စီတပ်ကကိုး​တောင်ဘို့ရွာ ဘုန်းကြီး​ကျောင်းတွင်စစ်​ရှောင်​နေသူများကိုအပြင်ထွက်ခွင့်မ​ပေးဘဲပိတ်ဆို့ထား

ကိုးတောင်ဘို့၊ ယမတောင်ကုန်းတွင် တပ်စွဲထားသည့် စစ်ကောင်စီတပ်ကို​ဒေသတွင်း ပြည်သူ့ကာကွယ်ရေးမဟာမိတ်များက ဇွန်လ ၃ရက်တွင် တိုက်ခိုက်ခဲ့ရာ အထိနာပြီး​နောက်စစ်​ကောင်စီတပ်က လေကြောင်းအသုံးပြုတိုက်ခိုက်ခဲ့သည်။

ကိုး​တောင်ဘို့ရွာ
ကိုး​တောင်ဘို့ရွာ

●ယမ​တောင်ကုန်းတွင်တပ်စွဲထား​သောစစ်​ကောင်စီတပ်ကို ​PDFများကတိုက်ခိုက်ရာအထိနာ၍လေ​ကြောင်းပစ်ကူ​ပေး

ကန့်ဘလူမြို့နယ် ကိုးတောင်ဘို့ရွာအုပ်စုကို ရဟတ်ယာဥ်ဖြင့် တိုက်ခိုက်ပြီးအင်အားဖြည့်တင်းလာသည့် စစ်ကောင်စီတပ်ဖွဲ့ဝင် ၁၀၀ ခန့်သည် အောင်သဒ္ဓိကျောင်းဝင်းအတွင်း တပ်စွဲထားကာ ပြည်သူများကို ကျောင်းပြင်ပသို့ ထွက်ခွင့်မပေးတော့ကြောင်းပြည်သူ့ကာကွယ်ရေးရဲဘော်များပြောသည်။

ကျေးရွာ ငါးရွာပါဝင်သည့် ကိုးတောင်ဘို့ကျေးရွာအုပ်စုအားယမန့်နေ့( ဇွန် ၃ရက်) နေ့လည်တွင် စစ်ကောင်စီက လေကြောင်းမှ တိုက်ခိုက်ပြီးနောက် တပ်ဖွဲ့ဝင်၁၀၀ ခန့်ကို ရဟတ်ယာဥ်ဖြင့် ပို့ဆောင်ခဲ့ခြင်းဖြစ်သည်။ ယ​မန်​နေ့က တိုက်ပွဲဖြစ်၍ အောင်သဒ္ဓိကျောင်းတွင် ထွက်​​ပြေးခိုလှုံ​နေ​သော​ဒေသခံများကို စစ်​ကောင်စီတပ်က ​ကျောင်းပြင်ထွက်ခွင့်မ​ပေးဘဲ ပိတ်ဆို့ထားခြင်းဖြစ်သည်။

ကိုး​တောင်ဘို့ရွာ
ကိုး​တောင်ဘို့ရွာ

“မနေ့က စစ်ခွေး တစ်ရာလောက်ရတော့ ကွက်သစ်ထဲက အောင်သဒ္ဓိကျောင်းမှာ တပ်စွဲထားတယ်။အရပ်သားတချို့တဝက် ပိတ်မိနေတယ်” ဟု ကိုးတောင်ဘို့ပြည်သူ့ကာကွယ်ရေးအဖွဲ့မှ ရဲဘော်တစ်ဦးကပြောသည်။

Public Service Announcement

Public Service Announcement

ကိုးတောင်ဘို့၊ ယမတောင်ကုန်းတွင် တပ်စွဲထားသည့် စစ်ကောင်စီတပ်ကို​ဒေသတွင်း ပြည်သူ့ကာကွယ်ရေးမဟာမိတ်များက ဇွန်လ ၃ရက်တွင် တိုက်ခိုက်ခဲ့ရာ အထိနာပြီး​နောက်စစ်​ကောင်စီတပ်က လေကြောင်းအသုံးပြုတိုက်ခိုက်ခဲ့သည်။

Public Service Announcement

စစ်ကောင်စီတပ်ကဂျက်ဖိုက်တာနှစ်စင်းဖြင့် ကိုးတောင်ဘို့ရွာ၊ပိတောက်ခုံ နှင့်ကွက်သစ်ရွာကိုလေကြောင်းမှတိုက်ခိုက်ခဲ့သည်။

“လေကြောင်းကနေ တိုက်ပြီး အင်အားလည်း ထပ်တိုးလာလို့ ကျွန်တော်တို့ ပြန်ဆုတ်ခွာလာခဲ့ရတယ်။ လက်နက်အင်အား မမျှလို့။ လက်နက်သာ အလုံအလောက်ရှိရင် တက်သိမ်းမှာ”ဟု ပြည်သူ့ကာကွယ်ရေးတပ်ဖွဲ့ဝင်တစ်ဦးကပြောသည်။

ဇွန် ၃ ရက်စစ်ကောင်စီ လေကြောင်းတိုက်ခိုက်မှုတွင် ဒေသခံပြည်သူ့ကာကွယ်​ရေးတပ်ဖွဲ့ဝင်များထိ့ခိုက်မှု မရှိဘဲ စစ်​ကောင်စီတပ်မှ ​သေဆုံးဒဏ်ရာရရှိမှုကိုမူမသိရ​သေး​ပေ၊

စစ်​ကောင်စီတပ်ကဇွန် ၂ ရက်ကလည်း လက်နက်ကြီးဖြင့် ပစ်ခတ်သဖြင့်ဒေသခံပြည်သူ သုံးဦးသေဆုံးခဲ့သည်။ထို့အတွက် တူသောအကျိူးရကြရန် ဆုတောင်းနေသည်ဟု ဒေသခံများကပြောသည်။

စစ်ကောင်စီတပ်သည် ယခုအခါ ကန့်ဘလူမြို့နယ်အတွင်း စစ်ရေးလှုပ်ရှားမှုပိုမိုပြုလုပ်လာပြီး ကန့်ဘလူ–နတ်အင်း–စံပယ်နံ့သာလမ်း​ကြောတ​စ်လျှောက် အကြမ်းဖက်စစ်​ကောင်စီတပ်သား (၂၅၀) ဝန်းကျင် တပ်ချထားကြောင်း၊ ဖုန်းလိုင်းများလည်း ဖြတ်​တောက်ထား၍ ယခုရက်ပိုင်းခရီး
သွားလာခြင်းများမပြုလုပ်သင့်ကြောင်းဒေသတွင်းသတင်း​များ​ဖော်ပြ​ပေး​နေသည့် Infinity Groupကသတိ​ပေးထားသည်။

ဆက်စပ်သတင်းများ

သတင်း

ပလောင်ပြည်နယ်လွတ်မြောက်ရေးတပ်ဦး PSLF/TNLA အုပ်ချုပ်သော မြို့နယ်များကို စစ်ကောင်စီတပ်မှ တိုက်ပွဲဖြစ်ပွားခြင်းမရှိဘဲ လေကြောင်းကိုအသုံးပြုကာ ဗုံးကြဲတိုက်ခိုက်မှုကြောင့် ဇန်နဝါရီလအတွင်း ပြည်သူ၁၃ ဦးသေဆုံးခဲ့ပြီး ၂၆ဦးဒဏ်ရာရရှိခဲ့ဟု TNLAက သတင်းထုတ်ပြန်သည်။

သတင်း

၃ ရက်အတွင်းစစ်​ရှောင်ပြည်သူ ၉ ဦး​သေဆုံး

သတင်း

ညနက်ပိုင်းတွင် လေကြောင်းတိုက်ခိုက်မှုဆက်တိုက်ပြုလုပ်ခဲ့

သတင်း

စစ်ကောင်စီဘက်က အင်အားအလုံးအရင်းဖြင့် ထိုးစစ် ဆင်နေသော မိုးဗြဲ မြို့ကို တော်လှန်ရေးပူးပေါင်းတပ် များ ထိန်းချုပ်ထားနိုင်ဆဲဖြစ်​ကြောင်း ကရင်နီအမျိုးသားများ ကာကွယ်ရေးတပ် KNDF က ယနေ့ ထုတ်ပြန်သည်။