ရေဦး – ခင်ဦးလမ်းပိုင်းတွင် စစ်ကောင်စီတပ်အား ဒရုန်းဖြင့် ဗုံးသီးချတိုက်ခိုက်

စစ်ကိုင်းတိုင်း၊ ရွှေဘိုခရိုင်၊ ရေဦး – ခင်ဦးလမ်းပိုင်းတွင် အကြမ်းဖက်စစ်ကောင်စီတပ်အား ဒရုန်းဖြင့် ဗုံးသီးချတိုက်ခိုက်ခဲ့ကြောင်း Dragon Urban Guerrilla အဖွဲ့ကထုတ်ပြန်သည်။

ယမန်နေ့ (ဇွန်လ ၉ ရက်)က ရေဦးမြို့နယ်မှ ခင်ဦးမြို့နယ် ညောင်ပင်ကြီးစုရွာဘက်သို့ ဦးတည်လာသော အင်အား ၁၀၀ခန့်ရှိ စစ်​ကောင်စီ စစ်ကြောင်းအား မဟာမိတ်တပ်ဖွဲ့များက ဗုံးသီးချတိုက်ခိုက်ခဲ့ခြင်းဖြစ် ကြောင်း Dragon Urban Guerrilla အဖွဲ့၏ ထုတ်ပြန်ချက်တွင် ဖော်ပြသည်။

အကြမ်းဖက်စစ်သားသုံးဦး ထိခိုက်ဒဏ်ရာရရှိခဲ့ပြီး ဒရုန်းတစ်စီးလည်း ဒုတိယအကြိမ်ပျံသန်းချိန်တွင် ဆုံးရှုံးခဲ့ရကြောင်း Dragon Urban Guerrilla အဖွဲ့က အသိပေးသည်။

Dragon Urban Guerrilla အဖွဲ့နှင့် မဟာမိတ်အဖွဲ့များသည် ပြီးခဲ့သည့် ဇွန်လ ၄ ရက်ကလည်း ခင်ဦး – ရေဦးလမ်းပိုင်းရှိ စစ်​ကောင်စီတပ်၏ ကင်းနေရာ သုံးခုအား ဒရုန်းချတိုက်ခိုက်ခဲ့သေးသည်။

Public Service Announcement