မြိုင်မြို့နယ်မှ ပြည်သူများ​က ​တော်လှန်​ရေးအတွက် လက်ဝတ်လက်စားများကိုချွတ်၍ လှူဒါန်း

မကွေးတိုင်း၊ မြိုင်မြို့နယ်တွင် စစ်ကောင်စီတပ်အား ခုခံတော်လှန်နေသည့် ပြည်သူ့ကာကွယ်ရေးတပ်ဖွဲ့ထံ ပြည်သူများက ငွေကြေးတင်မကဘဲ ရွှေထည်လက်ဝတ်လက်စားများကိုပါ လှူဒါန်းနေကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့က အသိပေးသည်။

မြိုင်မြို့နယ်အတွင်းရှိ ဒေသခံပြည်သူများသည် မြိုင်မြို့နယ်ပြည်သူ့ကာကွယ်ရေးတပ်ဖွဲ့ အား လက်နက်ခဲယမ်းများဝယ်ယူရန် ရွှေထည်ပစ္စည်းများနှင့် ငွေကြေးများလှူဒါန်းခဲ့ကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့က သတင်းထုတ်ပြန်ခဲ့သည်။

“​ရွှေထည်ပစ္စည်းဆိုတာ ရှိရင် တန်ဆာ မရှိရင် ဝမ်းစာတဲ့… အညာဒေသမှာ စကစများက ပြည်သူတွေရဲ့အိမ်တွေကို မီးရှို့ဖျက်ဆီးနေချိန်မှာ အညာကပြည်သူများရဲ့စိတ်ဓါတ်ကတော့ ကျသွားခြင်းမရှိဘဲ စကစကို အမြစ်ပြတ်တော်လှန်သွားမယ်ဆိုတာ အခုလုပ်ရပ်က သက်သေပါ။”ဟု မြိုင်မြို့နယ်ပြည်သူ့ကာကွယ်ရေးတပ်ဖွဲ့က ပြောသည်။

ပြည်သူများက လက်ဝတ်ရတနာအဖြစ် တန်ဖိုးထားဝတ်ဆင်​​သော နား​​တောင်း၊နားကပ် စ​သောလက်ဝတ်လက်စားများကို ​တော်လှန်ရးအတွက်ချွတ်၍ လှူကြသည်ကို ထုတ်ပြန်​သောပုံများတွင်​တွေ့ရသည်။

Public Service Announcement

“မီးရှို့လို့ တော်လှန်စိတ်ကို မတွန်းလှန်နိုင်။လွတ်လပ်ပြီးတရားမျှတတဲ့အထိ တော်လှန်သွားမယ်။စကစ ကျဆုံးရမယ်။”ဟု မြိုင်မြို့နယ်ပြည်သူ့ကာကွယ်ရေးတပ်ဖွဲ့က ပြောသည်။

ယခင်ကလ​ည်း မြိုင်ဒေသခံများက ပြည်သူ့ကာကာကွယ်ရေးအဖွဲ့များထံ လက်ဝတ်လက်စားရွှေထည်ပစ္စည်းများကိုပါ လှူဒါန်းခဲ့ဖူးသည်။