ဂန့်ဂေါခရိုင်မြောက်ပိုင်းတွင် စစ်ကောင်စီတပ်နှင့် ၎င်းတို့၏လက်ပါးစေ ပျူစောထီးများကို လက်နက်ခဲယမ်းမပြည့်စုံမှုကြောင့် တားဆီးနိုင်စွမ်းမရှိသေးကြောင်း ပြည်သူကာကွယ်ရေးတပ်မတော်တပ်မဟာ(၇)တပ်ရင်း (၇၀၃)က ယနေ့(ဇွန် ၂၀) အသိပေးထုတ်ပြန်သည်။
သို့သော် ပြည်သူ့ကာကွယ်ရေးတပ်ဖွဲ့များက ရနိုင်သမျှ လက်နက်များဖြင့် စစ်ဘေးသင့်နယ် မြေများအား အပြည့်အဝထိန်းချုပ်နိုင်ရန် အစဉ်တစိုက်ကြိုးစားလျက်ရှိကြောင်း ဖော်ပြသည်။
စစ်ဒေသ အမှတ်(၁)၊ အနောက်ပိုင်းတိုင်းစစ်ဒေသရှိ ဂန့်ဂေါခရိုင်မြောက်ပိုင်းတွင် အကြမ်းဖက်စစ်ကောင်စီမှ လက်သပ်မွေးမြူထားသော ပျူစောထီးအဖွဲ့များ အများအပြားရှိနေကြောင်း ထုတ်ပြန်သည်။
အဆိုပါ ပျူစောထီးများနှင့် စစ်ကောင်စီတပ်များပူး ပေါင်းပြီး တစ်လတစ်ကြိမ်ခန့် နီးစပ်ရာ ကျေးရွာများသို့ စစ်ကြောင်းထိုးကာ ရိက္ခာနှင့် တန်ဖိုးရှိပစ္စည်းများကို လာရောက်လုယက်လေ့ရှိသည်ဟု ဆိုသည်။
Public Service Announcement
“ဒါတင်မက ရွာသားအချို့ကိုလည်းသတ်ဖြတ်တာ၊ နေအိမ်တွေကို မီးရှို့တာလည်း လက်မရွံ့တမ်းလုပ် ဆောင်ကြတယ်”ဟု တပ်မဟာ(၇)တပ်ရင်း (၇၀၃)က ထုတ်ပြန်သည်။
လက်ရှိတွင် စစ်ကောင်စီတပ်နှင့် ပျူစောထီးများကျူးလွန်နေသည့် အထက်ပါအခြေအနေများကို ပြည်သူ့ကာကွယ်ရေးတပ်မတော်မှ လက်နက်ခဲယမ်းမပြည့်စုံ၍ တားဆီးနိုင်စွမ်းမရှိသေးသောကြောင့် ဆုံးရှုံးမှုများရှိနေကြောင်း ထုတ်ပြန်ထားသည်။
