Hi, what are you looking for?
စစ်အုပ်စုကအာဏာတည်မြဲဖို့ နိုင်ငံရေးအကျဉ်းသားတွေကို အယောင်ပြလွှတ်ပေးတာ၊ အတုအယောင်ရွေးကောက်ပွဲတွေလုပ်ပြီး အစိုးရဖွဲ့တာစတဲ့ ကမ္ဘာကိုလိမ်ညာဖို့ ကြိုးစားနေနေပြီး အဲဒီအပေါ်ယံ ဟန်ပြလုပ်ရပ်တွေရဲ့နောက်ကွယ်မှာ ပြည်သူ့သွေးနဲ့ လမ်းခင်းထားတာဖြစ်ကြောင်း အမျိုးသားညီညွတ်ရေးအစိုးရ(NUG) လူ့အခွင့်အရေးဆိုင်ရာဝန်ကြီးဌာနက ထုတ်ပြန်ပါတယ်။
အာဏာသိမ်းစစ်အုပ်စုက နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကို နေပြည်တော်အကျဥ်းထောင်ကနေ သတ်မှတ်ထားတဲ့နေအိမ်မှာ ပြစ်ဒဏ်တွေ ဆက်လက်ကျခံစေဖို့ ပြောင်းလဲသတ်မှတ်တာဟာ နေအိမ်အကျယ်ချုပ်ထားရှိတယ်လို့ ပြောလို့မရဘဲ ဘယ်သူမှ မသိရှိတဲ့နေရာမှာ ဆက်လက်ချုပ်နှောင်ထားဆဲ ဖြစ်ကြောင်း NLD သတင်းရင်းမြစ်တစ်ဦးက ပြောပါတယ်။