အာဆီယံသည် မြန်မာစစ်ကောင်စီကို ဖိအားပေးမှုမြှင့်တင်ရမည်ဖြစ်ပြီး ယင်းသို့မလုပ်ဆောင် ပါက မြန်မာပြည်သူများ ပိုမိုသေကြေကာ ဒုက္ခခံစားရမည်ဖြစ်ကြောင်း ကုလသမဂ္ဂအထူးအစီရင် ခံစာတင်သွင်းသူ Tom Andrews က ယနေ့ပြောကြားသည်။
မြန်မာနိုင်ငံငြိမ်းချမ်းရေးအတွက် အာဆီယံ၏ ကြိုးပမ်းမှုများသည် အဖွဲ့ဝင်နိုင်ငံများအကြား သဘောကွဲလွဲမှုများကြောင့် ဖြစ်ပေါ်တိုးတက်မှုမရှိပေ။
ပြီးခဲ့သည့်နှစ်တွင် အကြမ်းဖက်မှုများရပ်တန့်ရေး၊ အပြုသဘောဆောင်တွေ့ဆုံဆွေးနွေးမှုများ တောင်းဆိုထားသော ဘုံဆုံးဖြတ်ချက် ၅ ရပ်ကို အာဆီယံခေါင်းဆောင်များက သဘောတူခဲ့ ကြသော်လည်း မြန်မာစစ်ကောင်စီက ယင်းဆုံးဖြတ်ချက်များကို ပစ်ပယ်ထားသည်။
အာဆီယံအတွင်း သဘောကွဲလွဲမှုများက အကျပ်အတည်းကို ဖြေရှင်းရန် ကြိုးပမ်းမှုများကို ရှုပ် ထွေးစေခဲ့သည်။
Public Service Announcement
အာဆီယံ၏ ကြိုးပမ်းမှုအပေါ် Tom Andrews က “ရှင်းရှင်းလင်းလင်းပြောရရင် ဒီထက်ပိုပြီး လုပ်ဆောင်ဖို့လိုအပ်နေပါတယ်” ဟု ပြောသည်။
“ကျွန်တော်တို့ အချိန်ဆွဲပြီး ဘာလုပ်ဆောင်မှု မလုပ်လေလေ မြန်မာပြည်သူတွေ ပိုသေဆုံးလေ လေ၊ ဒုက္ခပိုခံရလေလေ” ဟု ၎င်းက ဆက်ပြောသည်။
မြန်မာပြည်သူများသည် အာဆီယံ၏ ဘာမျှ မလုပ်ဆောင်သည့် နောက်ထပ်တစ်နှစ်ကို စောင့် ဆိုင်းနိုင်မည်မဟုတ်ကြောင်း Tom Andrews က မလေးရှားခရီးစဉ်၌ ပြောသည်။
မလေးရှားသည် စစ်အာဏာသိမ်းမှုကို ပြင်းထန်စွာဝေဖန်ရှုတ်ချထားပြီး Tom Andrews က မြန်မာစစ်တပ်၏ ဆိုးရွားသောလူ့အခွင့်အရေးချိုးဖောက်မှုများအတွက် အစီရင်ခံစာရေးသားရန် မလေးရှားသို့ လာရောက်ခဲ့ခြင်းဖြစ်သည်။
ကိုးကား – AFP ၊ France 24
