မန္တလေး ၈၄လမ်းLotteria ကြက်ကြော်ဆိုင်ရှေ့ပစ်ခတ်မှုဖြစ်စဉ်မှာ သေဆုံးသူအမျိုးသားဟာ ရတနာပုံ တော်လှန်ရေးအဖွဲ့ခေါင်းဆောင်ဖြစ်တယ်လို့ အဲဒီအဖွဲ့ရဲ့ထုတ်ပြန်ချက်အရသိရပါတယ်။
ပစ်ခတ်မှုဖြစ်စဉ်ဟာ ဇွန်လ ၂၅ ရက်က ဖြစ်ခဲ့တာပါ။ ဆိုင်ကယ်စီးလာတဲ့အမျိုးသားကို အရပ်ဝတ်စစ်ကောင်စီတပ်ဖွဲ့ဝင်တွေက လိုက်လံဖမ်းဆီးတာလို့ သိရပြီးကြက်ကြော်ဆိုင်ရှေ့အရောက်မှာ ပစ်ခတ်မှုဖြစ်ခဲ့တာပါ။
အဲဒီပစ်ခတ်မှုဖြစ်စဉ်မှာ ဆိုင်ကယ်စီးအမျိုးသား သေဆုံးခဲ့သလို စစ်ကောင်စီတပ်ဖွဲ့ဝင် ၁ဦးလည်းထိခိုက်ဒဏ်ရာရခဲ့ပါတယ်။
သေဆုံးသွားသူအမျိုးသားဟာ ရတနာပုံတော်လှန်ရေးတပ်ဖွဲ့မှူး ဆရာစွမ်းထက်အောင် ခေါ် ထက်ရှိုင်းဇော်ဖြစ်တယ်လို့သိရပါတယ်။
Public Service Announcement
ရတနာပုံတော်လှန်ရေးအဖွဲ့က ကျဆုံးသွားသူအတွက် သေနတ်ပစ်ဖောက်အလေးပြုတာနဲ့အမိန့်ပြန်တမ်း ထုတ်တာတွေကို ဆောင်ရွက်ခဲ့တယ်လို့အဖွဲ့ရဲ့ ဖေ့ဘွတ်ခ်ကနေမနေ့က ထုတ်ပြန်အသိပေးထားပါတယ်။
စစ်ကောင်စီဘက်ကတော့ ၈၄ လမ်းပစ်ခတ်မှုဖြစ်စဉ်ဟာ ဘဏ်ဓားပြတိုက်သူတွေကိုလိုက်လံဖမ်းဆီးတာဖြစ်တယ်လို့သတင်းထုတ်ထားပါတယ်။
