တန့်ဆည်မြို့နယ် အင်္ကုက္ကားရွာတွင် တပ်စွဲထားသော စစ်ကောင်စီတပ်ကို ညလှည့်ကင်းထွက်ချိန် မိုင်းဆွဲတိုက်ခိုက်ကြောင်း Taze Supporting Organization – TSO တပ်ဖွဲ့က ယနေ့(ဇူလိုင် ၁)အသိပေးထုတ်ပြန်သည်။
ယနေ့ည ၉ နာရီခန့်က အင်္ကုက္ကားရွာတွင် တပ်စွဲထားသော စစ်ကောင်စီတပ်မှ ဆိုင်ကယ်ရှစ်စီးခန့်၊ အင်အား ၁၅ ဦးပါလှည့်ကင်းအား ရွာအ နောက်ဘက်အထွက် ကျွန်းပင်တန်းအနီး မိုင်းဆွဲတိုက်ခိုက်ခဲ့ခြင်းဖြစ်သည်ဟု ဖော်ပြသည်။
“(စကစများ)အခုထိတော့ ရှိနေကြတုန်းပဲဗျ။ မီးထိုးရှာနေကြတယ်။ အထိအခိုက် မသိရသေးဘူး”ဟု TSO မှ တော်လှန်ရေးရဲဘော်တစ်ဦးက ပြောသည်။
အဆိုပါတိုက်ခိုက်မှုဖြစ်အပြီး နာရီပိုင်းခန့်အကြာတွင် တိုက်ခိုက်ခံရသည့်နေရာနှင့် နှစ်မိုင်ခန့်သာဝေးသည့် တန့်ဆည်မြို့ပေါ်တွင်လည်း စစ်ကောင်စီတပ်မှ သေနတ်ဖြင့်ရမ်းသမ်းပစ်ခတ်မှုများရှိနေသည်ဟု ၎င်းက ဆိုသည်။
“အခု မြို့ပေါ်မှာလည်း သေနတ်တွေဖောက်နေပါတယ်။ အချက်ရေများတယ်”ဟု အထက်ပါရဲဘော်က ဆက်ပြောသည်။
အကြမ်းဖက်စစ်ကောင်စီတပ်၏ လှည့်ကင်း တပ်စိပ်အား မိုက်ဆွဲတိုက်ခိုက်ခဲ့သော တော် လှန်ရေးရဲဘော်များမှာ အထိအခိုက်မရှိဘဲ လုံ ခြုံသည့်နေရာသို့ရောက်ရှိပြီဖြစ်ကြောင်း TSO ထံမှ သိရသည်။