ဂျပန်ဝန်ကြီးချုပ်ဟောင်း မစ္စတာ ရှင်ဇိုအာဘေးကွယ်လွန်သွားခြင်းအတွက် ပြည်ထောင်စုလွှတ်တော်ကိုယ်စားပြုကော်မတီ(CRPH)နှင့် ရွေးကောက်ခံလွှတ်တော်ကိုယ်စားလှယ်များက ဝမ်းနည်းကြောင်း သဝဏ်လွှာပေးပို့သည်။
ဝန်ကြီးချုပ်ဟောင်း ကွယ်လွန်သွားခြင်းအတွက် ဝန်ကြီးချုပ်ဟောင်း၏ မိသားစု၊ ဂျပန်အစိုးရနှင့် ပြည်သူများထံသို့ ဝမ်းနည်းမှုနှင့် စာနာမှုတို့ ပေးပို့အပ်ပြီး ထာဝရငြိမ်းချမ်းပါစေကြောင်း CRPHက ဆုတောင်းမေတ္တာပို့သသည်။
မြန်မာနိုင်ငံ၌ စီးပွားရေး၊ ဒီမိုကရေစီ၊ လွပ်လပ်မှုနှင့် လူ့အခွင့်အရေးများ ဖွံ့ဖြိုးတိုးတက်စေရန် ဝန်ကြီးချုပ်ဟောင်း၏ တန်ဖိုးရှိသော အားပေးထောက်ပံ့မှုတို့ကို မြန်မာပြည်သူများအနေဖြင့် အစဉ်အမြဲ သတိတရရှိနေမည်ဟု သဝဏ်လွှာ၌ ဖော်ပြသည်။
ဂျပန်ဝန်ကြီးချုပ်ဟောင်းရှင်ဇိုအာဘေး ပစ်ခတ်လုပ်ကြံခံရသည့်အတွက် မြန်မာပြည်သူများကိုယ်စား စိတ်နှလုံးထိခိုက်ဝမ်းနည်းရကြောင်း NUG နိုင်ငံခြားရေးဝန်ကြီး ဒေါ်ဇင်မာအောင်က ဇူလိုင် ၈ရက်တွင် ထုတ်ပြန်သည်။
Public Service Announcement
မစ္စတာအာဘေး၏ ကူညီထောက်ပံ့မှုများကို မြန်မာပြည်သူများက မေ့လျော့မည်မဟုတ်ကြောင်းနှင့် ယခုကဲ့သို့ ဝမ်းနည်းဖွယ်အချိန်ကာလတွင် မြန်မာပြည်သူများသည် ဂျပန်ပြည်သူများနှင့်အတူ ရပ်တည်သွားမည်ဟု ဝန်ကြီး ဒေါ်ဇင်မာအောင်က ဆိုသည်။
