မွန်ပြည်နယ် ကျိုက်ထိုမြို့နယ်တွင် စစ်ကောင်စီလက်အောက်ခံ ရဲထောက်လှမ်းရေးတစ်ဦးကို သုတ်သင်ရှင်းလင်းခဲ့ကြောင်း မြို့ပြပြောက်ကျားအဖွဲ့ God Of Deathက ထုတ်ပြန်သည်။
ယနေ့(ဇူလိုင် ၁၁ ရက်) နံနက် ၁၀နာရီခန့်တွင် အဆိပ်ငွေ့စစ်ဆင်ရေးအရ ကျိုက်ထိုမြို့နယ်၌ ရဲထောက်လှမ်းရေးကို ရှင်းလင်းနိုင်ခဲ့ခြင်းဟု ဆိုသည်။
အဆိုပါရဲထောက်လှမ်းရေးသည် မူးယစ်ဆေးဝါးအလွန် အကျွံသုံးစွဲထားကြောင်း၊ ၎င်းသည် ယခင်က ရခိုင် ပြည်နယ်တွင် တာဝန်ထမ်းဆောင်ခဲ့ဖူးသူ ဖြစ်ကြောင်းလည်း ဖော်ပြထားသည်။
အကြမ်းဖက်စစ်ကောင်စီကို တော်လှန်ရာတွင် ဘုံရန်သူများအား ပြင်းထန်စွာအရေးယူဆောင်ရွက်မည်ဟုလည်း God Of Death က သတိပေးသည်။
Public Service Announcement
ရန်ကုန်မြို့အပါအဝင် တိုင်းနှင့်ပြည်နယ်များ၌ အဆိပ်ငွေ့စစ်ဆင်ရေးပုံစံဖြင့် စစ်ကောင်စီနှင့် ၎င်းလက်အောက်ခံများကို တိုက်ခိုက်သွားမည်ဟုလည်း ဇွန်လနောက်ဆုံးပတ်က ထုတ်ပြန်ထားသည်။
