Connect with us

Hi, what are you looking for?

သတင်း

Kaung For You ကျောင်းတည်ထောင်သူကိုဖမ်းမိထားတယ်လို့ စစ်ကောင်စီသတင်းထုတ်လာ

ဦးကောင်းသိုက်စိုးနဲ့အတူ CDM ကျောင်းဆရာ ၂ ဦးကိုပါဖမ်းမိခဲ့တာလို့ စစ်ကောင်စီကသတင်းထုတ်ထားပါတယ်။

K4U ​ကျောင်းလိုဂို
K4U ​ကျောင်းလိုဂို

K4U လို့လူသိများတဲ့ အွန်လိုင်းအခြေပြု Kaung For You ကျောင်းတည်ထောင်သူ ဦးကောင်းသိုက်စိုးကို ဇူလိုင်လ ၁၃ ရက်က ရှမ်းပြည်နယ် တောင်ပိုင်း၊အောင်ပန်းမြို့မှာ ဖမ်းမိခဲ့တယ်လို့ စစ်ကောင်စီက သတင်းထုတ်ပြန်လာပါတယ်။

ဦးကောင်းသိုက်စိုးနဲ့အတူ CDM ကျောင်းဆရာ ၂ ဦးကိုပါဖမ်းမိခဲ့တာလို့ စစ်ကောင်စီကသတင်းထုတ်ထားပါတယ်။

အဲဒီသတင်းထုတ်ပြန်ချက်မှာဆိုရင် K4U ရဲ့ စာသင်ကြားမှုအစီအစဉ်မှာပါဝင်တဲ့ ဆရာ၊ဆရာမတွေ ၊ ငွေကြေးထောက်ပံ့သူတွေ ၊ပူးပေါင်းပါဝင်သူတွေကို ဆက်လက်အရေးယူမယ်လို့ စစ်ကောင်စီက ခြိမ်းခြောက်ထားတာတွေ့ရပါတယ်။

စစ်တပ်အာဏာသိမ်းပြီးနောက် စစ်ကောင်စီလက်အောက်ခံကျောင်းတွေမှာ စာမသင်လိုသူတွေအတွက် NUG အသိအမှတ်ပြု အွန်လိုင်းအခြေပြုကျောင်းတွေဖွင့်လှစ်လာကြပြီး အဲဒီကျောင်းတွေထဲမှာ K4U က လူသိများသလိုတက်ရောက်ကြသူလည်းများကြပါတယ်။

Public Service Announcement

Public Service Announcement

ပြီးခဲ့တဲ့ ရက်ပိုင်းမှာတော့ K4U ကျောင်းတည်ထောင်သူဖမ်းဆီးခံလိုက်ရတဲ့သတင်းနဲ့အတူ K4U မှာ စာသင်နေတဲ့ ဆရာ၊ဆရာမအချို့ ဖမ်းဆီးခံရတာ ဆက်တိုက်ရှိခဲ့ပါတယ်။

သတင်းတွေအရ ဆရာ၊ဆရာမ ၁၆ ဦးထက်မနည်းဖမ်းဆီးခံထားရတယ်လို့သိရပါတယ်။

Kaung for You ကျောင်းက ဆရာဆရာမတွေ အဖမ်းခံရတာနဲ့ပတ်သက်ပြီး NUGရဲ့ ဒုပညာရေးဝန်ကြီး ဂျာထွယ်ပန်မှာ လူမှုကွန်ရက်မှာ အတည်ပြုရေးသားထားခဲ့ပါတယ်။

“လွတ်လပ်စွာ ပညာသင်ကြားခွင့်ကို ချိုးဖောက်တာဖြစ်ပြီး ယုတ်မာလူမဆန်မှုတွေပဲ ဖြစ်ပါတယ်။ အခုအချိန်မှာတော့ အားလုံး လုံခြုံရေးသတိနဲ့ နေကြဖို့ပါ” ဖို့ ဒုဝန်ကြီးက သတိပေးထားတာတွေ့ရပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။