Kaung For You ပညာရေးကျောင်းနှင့် ဆက်စပ်သောဆရာ၊ ဆရာမများကို လက်ခံကြိုဆိုသွားမည်ဟု တော်လှန် ရေးဘက်တော်သား အဖွဲ့အစည်းအချို့က ယနေ့(ဇူလိုင် ၁၇)အသိပေးထုတ်ပြန်လိုက်သည်။
အဆိုပါ အဖွဲ့အစည်းများတွင် မြောင်ပညာရေးကွန်ယက်နှင့် သိန်းငှက်ပြောက်ကျားတပ်ဖွဲ့(ရေစကြို)တို့ပါဝင်ကာ ဆရာ၊ ဆရာမများ၏ ဘေးကင်းလုံခြုံမှုကို တာဝန်ယူပြီး အကူအညီလိုအပ်ပါက ၎င်းတို့ထံ ဆက်သွယ်နိုင်ကြောင်း အသိပေးထားသည်။
“မြောင်ပညာရေးကွန်ရက် Myaung Education Network မှ လှိုက်လှဲစွာ ကြိုဆိုပါသည်။ ဆရာဆရာမတို့ဘေးကင်းလုံခြုံစေဖို့ တာဝန်ယူပါတယ်။ အကူအညီလိုအပ်နေပါက ကျွန်တော်ကျွန်မတို့ဆီ ဆက်သွယ်ပေးပါ”ဟု ဖော်ပြသည်။
စစ်ကောင်စီက Kaung For You ကျောင်းနှင့် ပတ်သတ်သော ဆရာ၊ ဆရာမများ၊ ကျောင်းသားမိဘများအား သတင်းအချက်အလက်များ နောက်ယောင်ခံ၍ ဖမ်းဆီးမှုများ ကျူးလွန်နေခြင်းအား မြောင်ပညာရေးကွန်ယက်မှ ပြင်ထန်စွာ ရှုံ့ချပြီးကန့်ကွက်ကြောင်းသဘောထား ထုတ်ပြန်
သည်။
Public Service Announcement
ထိုဖမ်းဆီးမှုများနှင့် ပတ်သတ်ပြီး ပြည်သူလူထုကြားစိုးရိမ်ပူပန်မှုများရှိနေသည်ကိုတွေ့ရပြီး Kaung For You နှင့် ဆက်သွယ်ထားမိသော ဆရာ၊ ဆရာမများမှ မိမိတို့သုံးစွဲခဲ့သော ဖုန်းနံပါတ်၊ ထိုဖုန်းနံပါတ်နှင့်ဖွင့်ထားသော Viber ၊ Messenger ၊ Email ၊ Telegram တို့အား ဖျောက်ဖျက်ပစ်ရန် အကြံပေးပြုထားသည်။
အလားတူ သိန်းငှက်ပြောက်ကျားတပ်ဖွဲ့(ရေစကြို)က ထုတ်ပြန်ရာတွင်လည်း ရေစကြိုမြို့နယ်မှ Kaung For You နှင့် ချိတ်ဆက် ဆရာ၊ ဆရာမများတိမ်းရှောင်ဖို့ အခက်ခဲရှိပါက ၎င်းတို့ထံ ဆက်သွယ်နိုင်ကြောင်း အသိပေးသည်။
“ကျွန်တော်တို့ သိန်းငှက်ပြောက်ကျားတပ်ဖွဲ့ (ရေစကြို) သို့ဆက်သွယ်နိုင်ပါတယ် ခင်ဗျာ။ ကျွန်တော်တို့တွေ နယ်မြေခံ အဖွဲ့စည်းများနှင့်တိုင်ပင် ပြီး စီစဥ်ဆောင်ရွက်ပေးပါ့မယ်ခင်ဗျာ”ဟု ဖော်ပြသည်။
ကျောင်းနှင့် ဆက်သွယ်ထားမိသူများအနေဖြင့် ဖုန်း sim ကဒ်များပိတ်ကာ sim အသစ်ပြောင်းထားကြရန် သိန်းငှက်ပြောက်ကျားတပ်က အကြံပြုသည်။ ထို့အပြင် Kaung For You ကျောင်းသို့ ပေးထားသော နေရပ်လိပ်စာများမှ အမြန်ဆုံးရှောင်ရှားကြရန်လည်း တိုက်တွန်းထားသည်။
CDM ဆရာဆရာမ များအပါအဝင် စစ်ကောင်စီတပ်၏ အကြမ်းဖက် လုပ်ရပ်များ ကြောင့် KNU နယ်မြေသို့ရောက်ရှိလာသူများကို လူသားချင်းစာနာထောက်ထားမှု ရှုထောင့်အရ လက်ခံနေသည့် အဖွဲ့၏ မူဝါဒမှာ အပြောင်းအလဲမရှိကြောင်းကရင်အမျိုးသားအစည်းအရုံး(KNU) ပြောရေးဆိုခွင့်ရှိသူ ပဒိုစောတာနီကလည်းပြောသည်။
“ လူသားချင်း စာနာထောက်ထားမှုရှုထောင့်ကနေ မူဝါဒဘယ်လိုမှ ပြောင်းလဲနိုင်စရာ အကြောင်းမရှိပါဘူး” ဟု ပဒိုစောတောနီးက ပြောသည်။
မြောင်ပညာရေးကွန်ယက် ဖေစ်ဘွခ် –
https://www.facebook.com/edu4myaung
သိမ်းငှက်ပြောက်ကျားဖေစ်ဘွခ်-
https://m.facebook.com/သိန်းငှက်ပြောက်ကျားအဖွဲ့-108337034968720/
