Kaung For You ကျောင်းမှ တာဝန်ရှိသူများနှင့် ဆရာ၊ ဆရာမများဖမ်းဆီးခံရမှုအပေါ် လက်တုန့်ပြန်သည့်အနေဖြင့် မန္တလေးတိုင်း၊ တံတားဦးမြို့ရှိ စစ်ဆေးရေးဂိတ်တစ်ခုကို မိုင်းပစ်တိုက်ခိုက်ခဲ့ကြောင်း Freeland Attack Force – FLA က အသိပေးထုတ်ပြန်သည်။
ယမန်နေ့(ဇူလိုင် ၁၇)ည ၇ နာရီ ၄၅ ခန့်က တံတားဦးမြို့ ကျောက်နယ်လမ်းဟောင်း စစ်ဆေးရေးဂိတ်အား FLA ဒုတာဝန်ခံမန်းမိုးကြိုးဦးဆောင်ပြီး စစ်ကောင်စီတပ်များရှိနေသော ဂိတ်တဲအတွင်း မိုင်းတစ်လုံးဖြင့် ပစ်ခတ်တိုက် ခိုက်ခဲ့ကြောင်း ဖော်ပြသည်။
ထိုသို့ မိုင်းပစ်တိုက်ခိုက်ရာတွင် စစ်ကောင်စီတပ်သားများရှိနေသော ဂိတ်တဲအတွင်းဝင်အောင်ပစ်နိုင်ခဲ့ရာ စစ်ကောင် စီတပ်သားတစ်ဦးသေဆုံးပြီး နှစ်ဦးဒဏ်ရာပြင်းထန်ကြောင်း စုံစမ်းသိရသည်ဟု ဆိုသည်။
“ယခုတိုက်ခိုက်မှုသည် Kaung For You မှ တာဝန်ရှိသူများနှင့် ဆရာ၊ ဆရာမများအား သိက္ခာချဖမ်းဆီးမှုကို လက် စားချေတိုက်ခိုက်ခြင်းဖြစ်ကာ တရာ၊ ဆရာမများ၊ ကျောင်းသား၊ ကျောင်းသူများအား ဆက်လက်ဖမ်းဆီး နှိပ်စက်မှုများလုပ်ဆောင်ပါက တူညီသောအတုန့်အလှည့်ကို ခံစားရမည်”ဟု FLA က အသိပေးသည်။
Public Service Announcement
ပြည်သူများအနေဖြင့် တော်လှန်ရေးကာလအချိန်ကြာမြင့်လာသည်နှင့်အမျှ စစ်ကောင်စီထောက်တိုင်များနှင့် အနီး ကပ်နေထိုင်ခြင်း၊ ကူညီထောက်ပံ့ခြင်း၊ သတင်း ပေးခြင်း၊ တော်လှန်ရေးအင်အားစုများ အထင်အမြင်လွဲစေနိုင်မည့် ပတ်သက်ဆက်ဆံမှုများအား ရှောင်ကျဥ်ကြရန် မေတ္တာရပ်ခံထားသည်။
