'/%3E%3C/svg%3E){kind=small}
ပဲခူးတိုင်း၊ နတ္တလင်းမြို့နယ် အရှေ့ခြမ်းရှိကျေးရွာများသို့ စစ်ကြောင်းထိုးနေသော အကြမ်းဖက်စစ်ကောင်စီတပ်ကို ပဒေသာမိုင်းများဖြင့် ဖောက်ခွဲတိုက်ခိုက်ခဲ့ကြောင်း တပ်ရင်း (၃၈၀၁)၊ တပ်ခွဲ (၂) Phoenix DF က ယနေ့(ဇူလိုင် ၂၅)တွင် ထုတ်ပြန်သည်။
ယနေ့နံနက် ၉ နာရီခန့်က နတ္တလင်းမြို့နယ် ကြက်မနက်ရွာတွင် တပ်စွဲထားသော စစ်ကောင်စီတပ်စစ်ကြောင်း ကရင်ဆင်ဆွဲကျေးရွာဘက်တက်လာစဥ် ပဒေသာမိုင်းများဖြင့် ကြားဖြတ် တိုက်ခိုက်ခဲ့ကြောင်း ဖော်ပြသည်။
အဆိုပါတိုက်ခိုက်မှုကြောင့် စစ်ကောင်စီတပ်မှ သုံးဦးသေဆုံးပြီး အများအပြားဒဏ်ရာရရှိသွား၍ လာရာလမ်းအတိုင်း ကြက်မနက်ရွာသို့ ပြန်ဆုတ်သွားကာ ၎င်းရွာမှ အမျိုးသားအချို့ကို ပေါ်တာဆွဲပြီး အလောင်းများထမ်းခိုင်းခဲ့သည်ဟု ဆိုသည်။
ဒဏ်ရာရသွားသူများတွင် စစ်ကောင်စီတပ်မှ အရာရှိတစ်ဦးပါးဝင်သည်ဟု နောက်ဆက်တွဲသိရပြီး တော်လှန်ရေးတပ်ဖွဲ့ဝင်များအထိအခိုက်မရှိပြန်ဆုတ်နိုင်ခဲ့ကြောင်းဖော်ပြသည်။
Public Service Announcement
အထက်ပါစစ်ကောင်စီတပ်စစ်ကြောင်းသည် ကြက်မနက်ရွာ၌တပ်စွဲထားစဥ် ဇူလိုင် ၂၃ ရက်နေ့လည်ပိုင်းက တပ်ရင်း (၃၈၀၁)၊ တပ်ခွဲ (၂) Phoenix DF မှ ဝင်ရောက်ပစ်ခတ်တိုက်ခိုက်ခဲ့ရာ စစ်ကောင်စီတပ်သားသုံးဦးသေပြီး နှစ်ဦးဒဏ်ရာရရှိခဲ့သည်။
