မြိတ်မြို့တွင်စစ်ကောင်စီတပ်၏လှည့်ကင်းအားတိုက်ခိုက်ရန်ပြင်ဆင်ထားသည့်မိုင်းကို လမ်းသွားလမ်းလာပြည်သူတစ်ဦးက ကောက်ယူသွား၍ဗုံခွဲတိုက်ခိုက်မည့်အစီအစဥ်ဖျက်သိမ်းခဲ့ရကြောင်း မြိုတ်မြို့နယ်ပြည်သူ့ကာကွယ်ရေးတပ်ဖွဲ့ကယနေ့(ဇူလိုင် ၂၇)အသိပေးထုတ်ပြန်သည်။
ယမန်နေ့ညပိုင်းက ကင်းလှည့်နေသည့်စစ်ကောင်စီအဖွဲ့အား မိုင်းခွဲတိုက်ခိုက်ရန် ပြင်ဆင်ချထားသောမိုင်းအားလမ်းအသွားအလာပြည်သူတစ်ဦးမှ ကောက်ယူသွားသောကြောင့် မိုင်းအားမခွဲဖြစ်ဘဲ ပြန်လည်ဆုတ်ခွာလာခဲ့ရသည်ဟု ဖော်ပြသည်။
ပြည်သူလူထုအား မြိတ်ပြည်သူ့ကာကွယ်ရေးအဖွဲ့ (ပကဖ)အနေဖြင့် အကြိမ်ကြိမ်သတိပေးတားမြစ်ထားပြီးဖြစ်သော်လည်း ပြည်သူ့လူထုမှ လိုက်နာခြင်းမရှိခြင်းသည့်အပေါ် များစွာစိတ်မကောင်းဂရုဏာဒေါသလည်းဖြစ်ခဲ့ရပါသည်ဟု ဆိုသည်။
“ကျွန်တော်တို့မြိတ်ပြည်သူ့ကာကွယ်ရေးအဖွဲ့အနေနဲ့လည်း အသက်တွေဘဝတွေပေးဆပ်ပြီးလုပ်နေရပါတယ်။ ပြည်သူလူထုအနေနဲ့ပူးပေါင်းပါဝင်ပေးကြပါလို့ပဲပြောချင်တယ်ခင်ဗျာ။ပြည်သူလူထုကိုလည်း ကျွန်တော်တို့ကြောင့်ထိခိုက်မှုမျိုးမဖြစ်စေလိုပါဘူး။ မဖြစ်မနေလုပ်ရမဲ့အလုပ်ကြောင့်ထိခိုက်မှုမျိုးဖြစ်ခဲ့ပါက အခုကတည်းကကြိုပြီးတောင်း ပန်ထားချင်တယ်”ဟု မြိတ်(ပကဖ)မှ ရဲဘော်တစ်ဦးက ပြောသည်။
Public Service Announcement
လက်ရှိအခြေအနေတွင် မြိတ်(ပကဖ)အနေနှင့် သတိကြီးစွာထားပြီး mission များကိုလုပ်ဆောင်နေရပြီး ပစ္စည်းရှုံးဆုံးမှုများလည်း အကြိမ်ကြိမ်ရှိခဲ့ပြီးဖြစ်၍ပြည်သူ့လူထုမှ ကိုယ်နှင့်မဆိုင်သည့် အရာဝတ္ထုမှန်သမျှကို ကောက်ယူခြင်းမပြုဘဲ ခပ်ဝေးဝေးမှရှောင်ရှားသွားလာနိုင်ကြရန်သတိပေးထုတ်ပြန်ထားသည်။
