ရေဖြူမြို့နယ် ရေး – ထားဝယ်လမ်းပိုင်းတွင် အကြမ်းဖက်စစ်ကောင်စီတပ်ယာဥ်တန်းအား မိုင်းဆွဲတိုက်ခိုက်ခဲ့ကြောင်း ရေဖြူ(ပကဖ)က ယနေ့ (ဇူလိုင် ၂၉)ထုတ်ပြန်သည်။
ယနေ့နံနက် ၇ နာရီခန့်က ရေး – ထားဝယ်လမ်း မိုင်တိုင် (၂၈)နှင့် (၂၉)ကြားတွင် အစီးရေလေးစီးပါ စစ်ကောင်စီတပ်ယာဥ်ကို မိုင်းနှစ်လုံးဖြင့် ဖောက် ခွဲတိုက်ခိုက်ခဲ့ကြောင်း ဖော်ပြသည်။
အဆိုပါတိုက်ခိုက်မှုတွင် အကြမ်းဖက်စစ်ကောင်စီယာဥ်တန်းမှာ သုံးစီးမြောက်ယာဥ်မှာ မိုင်းထိသွားပြီး ပြင်းထန်သောပေါက်ကွဲမှုကြောင့် ယာဥ်ပေါ်သော စစ်ကောင်စီတပ်သားများ ထိခိုက်သေဆုံးရှိနိုင်ကြောင်း ထုတ်ပြန်ချက်က ဆိုသည်။
“စစ်အာဏာရှင်များ အမြန်ဆုံးကျဆုံးစေရန် ရည်ရွယ်၍ ကျွန်တော်တို့ ညီအစ်ကိုများသည် မည်သည့်အချိန်မဆို စစ်ကောင်စီအား ခုခံတိုက်ခိုက်ချေမှုန်းသွားမည်ဖြစ် သည်”ဟု ရေဖြူ (ပကဖ) က အသိပေးသည်။
ထို့ကြောင့် ပြည်သူများအနေဖြင့် စစ်ကောင်စီတပ်ဖွဲ့ဝင်၊ စစ်ကောင်စီလက်ပါးစေများနှင့် နီးနီးစပ်စပ်မနေကြရန်တိုက်တွန်းထားသည်။
ယင်းအပြင် အထက်ပါတိုက်ခိုက်မှုသည် ကျေးရွာနေပြည်သူ လူထုများနှင့် လုံးဝ(လုံးဝ)မသက်ဆိုင်ဘဲ ရေဖြူမြို့နယ် ပြည်သူ့ကာကွယ်ရေးတပ်ဖွဲ့ နှင့် မဟာမိတ်တပ်ဖွဲ့ညီနောင်များ၏ လုပ်ဆောင်ချက်သာ ဖြစ်ကြောင်း အသိပေးသည်။