စစ်ကောင်စီဝင်အများအပြား စောင့်ကြပ်နေသည့် ရန်ကုန်မြို့ မြို့တော်ခန်းမ အနီးတွင် ယနေ့ (ဇူလိုင် ၃၀) နံနက်ပိုင်းက ဗုံးပေါက်ကွဲမှု ဖြစ်ပွားခဲ့ကြောင်း ဒေသခံများက ပြောသည်။
ယနေ့ နံနက် ၁၁နာရီခန့်တွင် မြို့တော်ခန်းမ နောက်ကျောဘက် စည်ပင်ရုံး ဝင်ပေါက်အနီးတွင် ပေါက်ကွဲသံ ကြားရကြောင်း ကျောက်တံတားမြို့နယ်နေ ပြည်သူတစ်ဦးက ဆိုသည်။
” မြို့တော်ခန်းမ နောက်ကျောဘက်မှာ ၁၁နာရီလောက်က ဗုံးပေါက်သံ အကျယ်ကြီး ကြားလိုက် ရတယ်။ အခု လူနာတင်ကားတွေ၊ ရဲကား၊ စစ်ကားတွေ အများကြီးရောက်နေတယ်။ ဒီနေ့က ရုံးပိတ်ရက်ဆိုတော့ လူထိခိုက်မှု မရှိဘူးလို့တော့ သိရတယ် “ဟု ၎င်းက ပြောသည်။
ပေါက်ကွဲမှု ဖြစ်ပွားပြီးနောက် အကြမ်းဖက် စစ်ကောင်စီဝင် အများအပြား ရောက်ရှိလာကာ မြို့တော်ခန်းမအနီး လမ်းများကို ပိတ်ဆို့၍ စစ်ဆေးမှုများ ပြုလုပ်နေကြောင်း သိရသည်။
အဆိုပါ ဗုံးပေါက်ကွဲမှုကို မည်သည့်အဖွဲ့က လုပ်ဆောင်ခြင်း မသိရှိရသေးပေ။
Public Service Announcement
