ရန်ကုန်တိုင်း ခရမ်းမြို့ရှိ စစ်ကောင်စီတပ် စစ်ဆေးရေးဂိတ်တစ်ခုဖြစ်သော သစ်တောဂိတ်ကို ၄၀ မမ ဗုံးသီးဖြင့် ပစ်ခတ်တိုက်ခိုက်ခဲ့ကြောင်း PDF – Khayan က ယနေ့(သြဂုတ် ၂)ထုတ်ပြန်သည်။
ယမန်နေ့ည ၉ နာရီခန့်က ခရမ်း – သက္ကလ – ပဲခူးလမ်းပိုင်း ခရမ်းမြို့အထွက်ရှိ စစ်ကောင်စီတပ်စစ်ဆေးရေးဂိတ်တစ်ခုဖြစ်သော သစ်တောဂိတ်ကို ပစ်ခတ်တိုက်ခိုက်ခဲ့ခြင်းဖြစ်ကြောင်း ဖော်ပြသည်။
“ထိခိုက်သေဆုံးမှုရှိနိုင်ပြီး ပြည်သူ့ရဲဘော်များ အထိ အခိုက်မရှိ ပြန်လည်ဆုတ်ခွာနိုင်ခဲ့ပါသည်”ဟု PDF – Khayan က အသိပေးသည်။
ဒေသသနင်းရင်းမြစ် Khayan Channal ၏ဖော်ပြချက်အရ စစ်ကောင်စီတပ်ဘက်မှ နှစ်ဦးသေ၊ သုံးဦးဒဏ်ရာရပြီး ဒဏ်ရာရသူများတွင် တစ်ဦးဒဏ်ရာပြင်း ထန်ကာ စစ်ဆေးရေးဂိတ်ရှိဘန်ကာများပျက်စီးသည့်အပြင် အဆောက်အအုံတစ်ခုထိခိုက်ပျက်ဆီးကြောင်း သိရသည်။
ခရမ်းပြည်သူများအနေဖြင့် သွေးမအေးဘဲ စစ်အာ ဏာရှင်အား ရရာနည်းလမ်းဖြင့် အစွမ်းကုန်တော်လှန်သွားမည်ဟု PDF – Khayan က အငိပေးထုတ်ပြန်ထားသည်။