အနာဂတ်ဖက်ဒရယ်နိုင်ငံတော်သစ်အတွက် CRPH နှင့် KPICTတို့ တွေ့ဆုံဆွေးနွေး

အနာဂတ်ဖက်ဒရယ်နိုင်ငံတော်သစ် တည်ဆောက်နိုင်ရေးအတွက် ပြည်ထောင်စုလွှတ်တော် ကိုယ်စားပြုကော်မတီ(CRPH)နှင့် ကချင်နိုင်ငံရေး ဆိုင်ရာကြားကာလပူးပေါင်းဆောင်ရွက်ရေးအဖွဲ့(KPICT)တို့ ဩဂုတ် ၄ရက်တွင် တွေ့ဆုံဆွေးနွေးခဲ့သည်။

အထက်ပါတွေ့ဆုံမှုတွင် CRPH ဥက္ကဌ ဦးအောင်ကြည်ညွန့်က အဖွင့်အမှာစကားပြောကြားပြီး KPICT တာဝန်ရှိသူကလည်း တော်လှန်ရေးခရီးစဥ်တွင် ရှေ့ဆက်၍ ပူးပေါင်းဆောင်ရွက်သင့်သည့် ကိစ္စရပ်များနှင့် အနာဂတ်ဖက်ဒရယ် နိုင်ငံတော် သစ် တည်ဆောက်နိုင်ရေးအတွက် နိုင်ငံတကာ အခင်းအကျင်းတွင် ပိုမို အားကောင်းလာစေရန် လုပ်ဆောင်သင့်သည့်အချက်များရှင်းလင်းဆွေးနွေးခဲ့သည်ဟု CRPH က သတင်းထုတ်ပြန်သည်။

တက်ရောက်လာသည့် လွှတ်တော်ကိုယ်စားလှယ်များကလည်း လိုအပ်သော လူသားချင်းစာနာထောက်ထားရေး အကူအညီများအပေါ် ကျေးဇူးတင်ကြောင်းနှင့် အနာဂတ်တွင်လည်း ပိုမိုပူးပေါင်းလုပ်ဆောင်နိုင်သည့် လုပ်ငန်းစဥ်များအပေါ် အပြန်အလှန်ဆွေးနွေးမေးမြန်းခဲ့ကြောင်း သိရသည်။

အစည်းအဝေးသို့ CRPH ဥက္ကဋ္ဌ၊ အတွင်းရေးမှူးများ၊ အဖွဲ့ဝင်များ၊ KPICT မှ တာဝန်ရှိပုဂ္ဂိုလ်များရုံးအဖွဲ့များ တက်ရောက်ခဲ့သည်။

Public Service Announcement