မကွေးတိုင်း၊ မြိုင်မြို့နယ်တွင် စစ်ကောင်စီတပ်က တိုက်ပွဲဖြစ်ပွားခြင်းမရှိဘဲ လက်နက်ကြီးဖြင့် ရမ်းသမ်းပစ်ခတ်ခဲ့၍ အဘိုးအဘွားလင်မယားနှစ်ဦး သေဆုံးခဲ့ကြောင်း ဒေသတွင်းသတင်းရင်းမြစ် များက ပြောသည်။
ယနေ့(သြဂုတ်၁၄ရက်) မွန်းလွဲ ၁၂နာရီခွဲခန့်က မြိုင်မြို့၊ အနောက်ဖက်အထွက် ကိုးဆောင်ကျောင်း အနီးတွင် တပ်စွဲထားသော အကြမ်းဖက်စစ်ကောင်စီ တပ်သည် တိုက်ပွဲဖြစ်ပွားခြင်းမရှိဘဲ လက်နက်ကြီးများဖြင့် ရမ်းသမ်းပစ်ခတ် ခဲ့ကြောင်း၊ ထိုသို့ ရမ်းသမ်းပစ်ခတ်မှုကြောင့် မြိုင်အနောက်ဘက် တစ်မိုင်ခန့် အကွာရှိ ဆားထုံးကြွယ်ရွာမှ အဘိုးအဘွားလင်မယားနှစ်ဦး သေဆုံးသွား ကြောင်း မြိုင်မြို့နယ် ပြည်သူ့ကာကွယ်ရေးအဖွဲ့က ပြောသည်။
မြိုင်မြို့နယ် ပြည်သူ့ကာကွယ်ရေးအဖွဲ့က ဗိုလ်လက်ယျာက “မြို့အထွက်ကနေ လက်နက်ကြီး ၊လက်နက်ငယ်တွေနဲ့ကို တည်ပစ်နေတာ။ မြို့နားကို ကျွန်တော်တို့အဖွဲ့တွေ ကပ်တယ်လို့ ထင်နေလို့လားမသိဘူး။ အဲမှာဆားထုံး ကြွယ်က လင်မယားနှစ်ယောက် ပွဲခြင်းပြီးဆုံးတယ်။”ဟု ပြောသည်။
မြိုင်မြို့နယ်တွင် စစ်ကောင်စီတပ်နှင့် ဒေသတွင်းပြည်သူ့ကာကွယ်ရေးအဖွဲ့များ ထိတွေ့တိုက်ပွဲများ ဖြစ်ပွားနေပြီး ကျေးရွာအများအပြားလည်း တိမ်းရှောင် ထွက်ပြေးနေရသည်။
Public Service Announcement
