ဆင်ကောင်ရေ ၃၅ ကောင်အားစောင့်ရှောက်နေသော CDM ဆင်ဦးစီးအပါအဝင် အိမ်ထောင်စုများအတွက် ငွေနှင့် စားနပ်ရိက္ခာအချို့သွားရောက် ထောက်ပံ့ပေးခဲ့ကြောင်း KLG PDF က ယနေ့ (သြဂုတ် ၁၇ ရက်) ထုတ်ပြန်သည်။
ဆင်များအား ထိန်းသိမ်းရှောက်ထားနေသော CDM ဆင်ဦးစီးမိသားစုအပါအဝင် အိမ်ထောင်စု ၃၃ စုရှိပြီး လူဦးရေ ၁၁၇ ဦးအတွက် ဆန်တင်း ၇၀ ကျော်၊ကျပ်သိန်း ၃၀ကျော်နှင့် ဆီ၊ ဆားများပေးအပ်ခဲ့သည်ဟု ဆိုသည်။
စားဝတ်နေရေးလုံးဝ အဆင်မပြေတော့သည်ကို အကူအညီတောင်းခံလာခြင်းကြောင့် အရေးပေါ် သွားရောက်ကူညီခဲ့ခြင်းဖြစ်ကြောင်း KLG PDF တာဝန်ရှိသူက ဆိုသည်။
“ဆင်ဦးစီးတွေ CDMဝင်ထားတဲ့အတွက်ကြောင့် စားဝတ်နေရေး အရမ်းကို ဒုက္ခရောက်နေတယ် ။
နောက်ပြီးဆင်ကျန်းမာရေးရော လူတွေအတွက် ကျန်းမာရေးရောပါတယ်”ဟု ၎င်းက လူထုနွေဦးသို့ ပြောသည်။
ကနီမြို့နယ်အခြေစိုက် KLG PDFသည် ဒေသတွင်းရှိ ပြည်သူများအပေါ် ကျန်းမာရေးစောင့်ရှောက်မှုများအပါအဝင် စစ်ဘေးရှောင်ပြည်သူများအား ကူညီစောင့်ရှောက်ပေးနေသည်။