ထားဝယ် – ကလိန်အောင်လမ်းပိုင်းတွင် ရဲနှင့် ပျူစောထီးများလိုက်ပါသည့်ယာဥ်ကို တိုက်ခိုက်၊ ဒုရဲအုပ်နှင့် ပျူနစ်ဦးသေ

ထားဝယ် – ကလိန်အောင်လမ်းပိုင်းတွင် စစ်ကောင်စီလက်အောက်ခံ ရဲနှင့် ပျူစောထီးများစီးနင်းလိုက်ပါလာသည့် ယာဥ်တစ်စီးကို မိုင်းဆွဲတိုက်ခိုက်ခဲ့ကြောင်း ကံပေါက်ဒေသပြည်သူ့ကာကွယ် ရေးတပ်ဖွဲ့(KBDF)က ယနေ့ (သြဂုတ် ၂၀) ထုတ်ပြန်သည်။

ယမန်နေ့(သြဂုတ် ၁၉)ရက်နံနက် ၉ နာရီခွဲတွင် ထား ဝယ်-ကလိန်အောင်လမ်း မိုင်တိုင်(၄၀) အနီးတွင် ထားဝယ်ဖက်သို့ ဦးတည်မောင်းနှင်လာသော ကံပေါက်နယ်မြေရဲစခန်းမှ ဒုရဲအုပ်တစ်ဦး၊ ပျူစောထီး ၊ ဒလန်စုစုပေါင်းခြောက်ဦးပါ ယာဥ်တစ်စီးကို KBDF နှင့် ထားဝယ်ပြည်သူ့လွတ်မြောက်ရေးတပ်ဖွဲ့-TPLF တို့ ပူးပေါင်းတိုက်ခိုက်ခဲ့သည်ဟု ဆိုသည်။

“ထိုတိုက်ခိုက်မှုတွင် ၎င်းတို့ စီးနင်းလာသော ကားထိခိုက်ပျက်စီးသွားခဲ့ပြီး ဒုရဲအုပ်(၁)ဦးနှင့် ပျူစောထီးတစ်ဦး သေဆုံးကာ လေးဦး ပြင်းထန် ဒဏ်ရာ ရရှိခဲ့ပါသည်”ဟု ဖော်ပြသည်။

တိုက်ခိုက်မှုဖြစ်စဉ်အပြီး မိနစ်၂၀ခန့်တွင် အကြမ်းဖက် စစ်ကောင်စီဖက်မှ အခင်းဖြစ်ပွားရာအနီး တောစပ်များသို့ လက်နက်ကြီးဖြင့် သုံးချက်ရမ်းသမ်းပစ်ခတ်ခဲ့သည်ဟု ထုတ်ပြန်ချက်က ဆိုသည်။

Public Service Announcement

ထို့သို့ အကြမ်းဖက်စစ်ကောင်စီတပ်မှ ရမ်းသမ်းပစ်ခတ်မှုများရှိခဲ့သော်လည်း KBDF နှင့် ထားဝယ်ပြည်သူ့လွတ် မြောက်ရေးတပ်ဖွဲ့-TPLF တို့ ဘေးကင်းလုံခြုံရာနယ် မြေသို့ အောင်မြင်စွာ ခွာစစ်ဆင်လာနိုင်ခဲ့ပြီ ဖြစ်ကြောင်း အသိပေးထုတ်ပြန်ထားသည်။