မောင်တောခရိုင်ရှိ စစ်ကောင်စီ လက်အောက်ခံ များကို သုံးလစာ ရိက္ခာစုဆောင်းခိုင်းထား
မောင်တောခရိုင်ရှိ စစ်ကောင်စီ လက်အောက်ခံ များကို သုံးလစာ ရိက္ခာစုဆောင်းခိုင်းထားဘူးသီးတောင်တွင် စစ်ကောင်စီတပ်က စစ်ဆင် ရေးအသွင်အင်အားသုံး၍ စျေးဝယ်နေဟု ဒေသခံပြော
ရက္ခိုင့်တပ်တော်(AA)နှင့် စစ်ကောင်စီတပ်တို့ ယနေ့တွင် မောင်တောမြောက်ပိုင်းနှင့် ပလက်၀ မြို့နယ်တို့၌ တိုက်ပွဲဖြစ်ပွားနေကြောင်း ရခိုင်ဒေသခံတစ်ဦးက ပြောသည်။
ဩဂုတ် ၁၃ရက်က ရသေ့တောင်မြို့နယ် တွင် AAနှင့် စစ်ကောင်စီတပ် တိုက်ပွဲပြင်းထန်ခဲ့ခြင်း အပါအဝင် ယင်းနေ့တစ်ရက်တည်း၌ နေရာ ၃ခု၌ တိုက်ပွဲဖြစ်ခဲ့သည်ဟုဆိုသည်။ စစ်ကောင်စီတပ်မှ ၃၀ ကျော်သေဆုံးပြီး လက်နက်ခဲယမ်းများ စွာကို AAက သိမ်းပိုက်ရရှိခဲ့သည့် အဆိုပါ တိုက်ပွဲများ အပြီးတွင်လည်း ပလက်၀ နှင့် မောင်တောမြောက်ပိုင်းဒေသများ၌ တိုက်ပွဲဆက်ဖြစ်နေသည်ဟု ဒေသခံက ပြောသည်။
“မြောက်တောမြောက်ပိုင်းမှာလည်း ဒီနေ့ ဆက်ဖြစ်တယ်လို့ ပြောတယ်။ ရသေ့တောင်မြို့ အဝင် ၀မှာလည်း မနက်ကတည်းက စစ်ရေးတင်းမာနေတယ်လို့ ပြောတယ်။ ရသေ့တောင်ကနေ ပုဏ္ဍားကျွန်းကိုလာတဲ့ လမ်းမှာ တံတားရှိတယ် အဲဒီ တံတား ဘယ်ဘက်ညာဘက်မှာ တစ်ဖက်မှာကျရင် စစ်တပ်က ၊ တစ်ဖက်မှာ AAက အဲဒီလိုမျိုး။ပလက်၀မှာက အဓိက စစ်တပ်က ရှေ့ကို တိုးလာတာနဲ့ AAက တိုက်ခိုကမှုတွေဖြစ်တာ။ သူတို့ ဖြစ်ရင် လက်နက်ကြီးတွေပစ်တာပဲ” ဟု ရခိုင်ဒေသခံက ပြောသည်။
ညှိနှိုင်းဆွေးနွေးမှုများ မရှိပါက ရှေ့ဆက်၍ တိုက်ပွဲဧရိယာ ကျယ်ပြန့်လာနိုင်သည်ဟု ဒေသခံက ပြောသည်။
Public Service Announcement
“ဘာဖြစ်လို့လဲဆိုရင် စစ်တပ်ကလည်း မနေ့က ကြားတာက ဘူးသီးတောင်က ဒီမောင်တောခရိုင်မှာ ရှိတဲ့ အစိုးရ ဌာနဆိုင်ရာတွေ စစ်တပ်အပါအဝင် လက်နက်ကိုင်တွေကို သုံးလစာ စားနပ်ရိက္ခာစုဆောင်းဖို့ ပြောလို့ စစ်သားတွေက ဘူးသီးတောင်စျေးထဲမှာ ယူနီဖောင်းတွေနဲ့ သေနတ်တွေလွယ်ပြီး ရိက္ခာတွေ ဝယ်နေကြတာတွေ့တယ်။ စစ်ရေးက ပိုပြီးတော့ ပြင်းထန်လာမယ် နေရာတွေ အတော်များများ ဖြစ်လာမယ်လို့ မြင်တယ်” ဟု ၎င်းက ဆိုသည်။
ရိက္ခာစုဆောင်းခိုင်းသည့် သတင်းစကားကို တပ်တွင်းရှိ စစ်ကောင်စီတပ်ဖွဲ့ဝင်များကိုယ်တိုင် ပြောပြလာခြင်းဖြစ်သည်ဟု ရခိုင်ဒေသခံက ပြောသည်။
ယခင် ပိတ်ထားသည့် မောင်တော – ဘူးသီးတောင်ကားလမ်းကို ပြန်လည် အသုံးပြုခွင့်ပေးသော်လည်း အစစ်အဆေးများပြားကြောင်း ဒေသခံက ပြောသည်။
