မန္တလေးတိုင်း၊ မိတ္ထီလာခရိုင်၊ မလှိုင်မြို့နယ် သက္ကယ်ကျင်းကျေးရွာတွင် တပ်စွဲထားသော စစ်ကောင်စီတပ်များ ပစ်ခတ်တိုက်ခိုက်ခံရပြီး ထိခိုက်သေဆုံးမှုများရှိကြောင်း ဒေသတွင်း သတင်းရင်းမြစ်များက ပြောသည်။
ယမန်နေ့ (သြဂုတ် ၃၁ ရက်) ညနေ ၆နာရီခန့်က မလှိုင်မြို့နယ် သက္ကယ်ကျင်းကျေးရွာတွင် တပ်စွဲထားသော စစ်ကောင်စီတပ်များအား လက်နက်ကြီးများဖြင့် ဝင်ရောက်ပစ်ခတ်ခဲ့ရာ စစ်ကောင်စီတပ်သား သုံးဦးသေဆုံးပြီး လေးဦးမှာ ပြင်းထန်ဒဏ်ရာရရှိသွား၍ ဆေးရုံသို့ပို့ဆောင်ထားရကြောင်း နွားထိုးကြီး PDFက သတင်းထုတ်ပြန်သည်။
အဆိုပါ စစ်ကောင်စီတပ်များသည် ကျေးရွာအုပ်ချုပ်ရေးမှူးနှင့် ပူးပေါင်း၍ ပြည်သူများအပေါ် ရက်စက်ယုတ်မာခြင်းများ အကြိမ်ကြိမ်ပြုလုပ်နေခြင်းကြောင့် ပစ်ခတ်တိုက်ခိုက်ခဲ့ခြင်းဖြစ်ကြောင်း နွားထိုးကြီး PDFက အသိပေးသည်။
ဖြစ်စဥ်နှင့်ပတ်သက်၍ နွားထိုးကြီး PDFထံ ဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။ စစ်ကောင်စီတပ် ထိခိုက်သေဆုံးမှုအခြေအနေ ထပ်မံအတည်ပြု၍ မရသေးပေ။
Public Service Announcement
နွားထိုးကြီး PDFအဖွဲ့သည် နွားထိုးကြီးနယ်နှင့် မြင်းခြံနယ်တို့တွင် စစ်ကောင်စီတပ်အား ခုခံတော်လှန်တိုက်ခိုက်နေသည်။
