မန္တလေးမြို့ ၊ ပြည်ကြီးတံခွန်မြို့နယ်အတွင်း စစ်ကောင်စီတပ်က ပိတ်ဆို့ဖမ်းဆီးချိန် ရေမြောင်းထဲ ဆင်းပြေးတဲ့ လူငယ်ကို ပစ်ခတ်ဖမ်းဆီးသွားတယ်လို့ဒေသခံအချို့ဆီကသိရပါတယ်။
ဒီနေ့ နေ့လယ်ပိုင်းက တံခွန်တိုင်အဝိုင်း ၊ Garden City အိမ်ရာအနီးမှာ လူငယ် ၂ ဦးကို စစ်ကောင်စီတပ် ကဖမ်းဆီးဖို့လုပ်ခဲ့တယ်လို့ဒေသခံတွေကပြောပါတယ်။
အဲဒီလို ဖမ်းဆီးချိန် လူငယ် ၂ ဦးအနက် ၁ ဦးဟာ အနီးက ရေမြောင်းထဲ ခုန်ဆင်းပြီး ရေကူးထွက်ပြေးရာ စစ်ကောင်စီတပ်က ပစ်ခတ်လို့ခြေထောက်ထိသွားပြီး ဖမ်းဆီးခံလိုက်ရပါတယ်။
ဒီလို ရေမြောင်းထဲ ဆင်းပြေးတဲ့ လူငယ် ကို အရပ်ဝတ် လက်နက်ကိုင် စစ်ကောင်စီတပ်သား က ပစ်ခတ်ဖမ်းဆီးဖို့ ကြိုးပမ်းတာကို ရိုက်ယူထားတဲ့ ရုပ်သံဖိုင်လည်း လူမှုကွန်ရက်မှာထွက်ပေါ်နေပါတယ်။
Public Service Announcement
ရေမြောင်းထဲ ဆင်းပြေးတဲ့ လူငယ် ဖမ်းမိသွားပေမယ့် ကျန် လူငယ် ၁ ဦးကတော့ လွတ်မြောက်သွားတယ်လို့ သိရပါတယ်။
မန္တလေးမှာ စစ်ကောင်စီတပ်ဟာ ဒီရက်ပိုင်းတွေအတွင်း အစစ်အဆေးကြမ်းနေပါတယ်။
