ကရင်အမျိုးသားအစည်းအရုံး(KNU) တပ်မဟာ(၆)နယ်မြေ မြ၀တီ- ဝေါ်လေ လမ်း သုံးထပ်ကွေ့အနီး ကျော်ဝါးဘိုးဘရား၌ တပ်စွဲထားသည့် စစ်ကောင်စီတပ်က ယမန်နေ့ညနှင့် ယနေ့တွင် လက်နက်ကြီးများဖြင့် ပစ်ခတ်နေကြောင်း ကော်ဘရာစစ်ကြောင်းက သတင်းထုတ်ပြန်သည်။
စက်တင်ဘာ ၅ရက် ညပိုင်းတွင် တစ်ကြိမ်၊ ယနေ့ စက်တင်ဘာ ၆ရက် နံနက် ၁၁နာရီခွဲမှ ၁၂နာရီအထိ စစ်ကောင်စီ၏ တပ်မ(၄၄) လက်အောက်ခံ ခမရ(၁၀၂)နှင့် အမြောက်တပ်ဖွဲ့က လက်နက်ကြီး ကျည် ၁၂လုံး ပစ်ခတ်ခဲ့ ခြင်းဖြစ်သည်ဟု ဆိုသည်။
ထိုသို့ ပစ်ခတ်မှုကြောင့် သဲဖြူချောင်းလမ်းဆုံနှင့်နေရာအချို့သို့ လက်နက်ကြီးကျည်ကျရောက်ပြီး ကော်ဘရာစစ်သည် နှစ်ဦး မစိုးရိမ်ရသည့်ဒဏ်ရာရခဲ့သည်ဟု ဖော်ပြထားသည်။
ကော်ဘရာစစ်ကြောင်းနှင့် စစ်ကောင်စီတပ်သည် မြ၀တီ – ဝေါ်လေလမ်းအနီးတဝိုက်၌ ဇူလိုင်လနှင့်ဩဂုတ်လများအတွင်းက တိုက်ပွဲများ မကြာခဏ ဖြစ်ပွားခဲ့ပြီးစစ်ကောင်စီတပ်က အထိနာခဲ့သည်။
Public Service Announcement
လွန်ခဲ့သည့် တစ်ပတ်ခန့်ကလည်း စစ်ကောင်စီတပ်ကို ကော်ဘရာစစ်ကြောင်းနှင့် ဒရုန်းတပ်ဖွဲ့တို့ ပူးပေါင်းပြီးတိုက်ခိုက်ခဲ့ရာ စစ်ကောင်စီတပ်မှသေဆုံးထိခိုက်မှုများ ရှိခဲ့သည်။
