အကြမ်းဖက်စစ်ကောင်စီတပ်က ယမန်နေ့ညသန်းခေါင်ကျော်အချိန်တွင် တိုက်လေယာဉ်ဖြင့် ဗုံးကြဲတိုက်ခိုက်ခဲ့၍ ကော်ဘရာစစ်သည်တော်တစ်ဦး ဒဏ်ရာရခဲ့ကြောင်း ကော်ဘရာစစ်ကြောင်းက သတင်းထုတ်ပြန်သည်။
စက်တင်ဘာ ၉ရက် ည ၁၂နာရီ ၄၀မိနစ် (ယနေ့နံနက်အစောပိုင်း)၌ စစ်ကောင်စီတပ်က ကော်ဘရာ စစ်ကြောင်း လုံခြုံရေးယူထားသည့် ဘလက်တိုကျေးရွာအနီးရှိနေရာ တစ်ခုသို့ တိုက်လေယာဉ်ဖြင့် နှစ်ကြိမ် ဗုံးကြဲတိုက်ခိုက်ခဲ့သည်ဟု ဆိုသည်။
ယမန်နေ့တွင် စစ်ကောင်စီတပ်မှ ရှေ့တန်းသို့ ရိက္ခာနှင့် ခဲယမ်းလာပို့သည့် ဗိုလ်ကြီးဦးဆောင် သော အင်အား ခြောက်ဦးပါ တပ်ဖွဲ့ကို ကော်ဘရာ စစ်ကြောင်းက ဖမ်းဆီးရမိခဲ့သည့် ဖြစ်စဉ် ဖြစ်ပွားခဲ့ပြီး ညပိုင်း၌ ယခုကဲ့သို့ လေကြောင်းမှ တိုက်ခိုက်လာခြင်းဖြစ်သည်။
ကရင်အမျိုးသားအစည်းအရုံး(KNU) တပ်မဟာ (၆)နယ်မြေ မြ၀တီ – ဝေါ်လေလမ်း အနီးတဝိုက် တွင် ကော်ဘရာ စစ်ကြောင်းနှင့် စစ်ကောင်စီတပ်တို့ တိုက်ပွဲများ မကြာခဏ ဖြစ်ပွားလျက်ရှိသည်။
Public Service Announcement
