Connect with us

Hi, what are you looking for?

LuduNwayOo

သတင်း

ကြည့်မြင်တိုင် ပန်းပင်ကြီးလမ်းတွင် သပိတ်မစတင်မီ လူငယ်အချို့အကြမ်းဖက်ဖမ်းဆီးခံရ

လက်ရှိတွင် ကြည့်မြင်တိုင်မြို့နယ် အထက်ကြည့်မြင်တိုင်လမ်း၊ ပန်းပင်ကြီးလမ်းနှင့် ကမ်းနားလမ်းတို့တွင် စစ်ကား၊ ရဲကားများ လှည့်ပတ်နေကြောင်း ဒေသခံများက ပြောသည်။

(ယမန်နှစ်က ကြည့်မြင်တိုင်မြို့နယ် ပန်းပင်ကြီးလမ်း၌ စစ်ကောင်စီက လူငယ်များအား ကားဖြင့်တိုက် အကြမ်းဖက် ဖမ်းဆီးခဲ့စဥ်၊ (ပုံအဟောင်း အသုံးပြုထားသည်)
(ယမန်နှစ်က ကြည့်မြင်တိုင်မြို့နယ် ပန်းပင်ကြီးလမ်း၌ စစ်ကောင်စီက လူငယ်များအား ကားဖြင့်တိုက် အကြမ်းဖက် ဖမ်းဆီးခဲ့စဥ်၊ (ပုံအဟောင်း အသုံးပြုထားသည်)

ရန်ကုန်မြို့ ကြည့်မြင်တိုင်မြို့နယ် ပန်းပင်ကြီးလမ်းတွင် ယနေ့ (စက်တင်ဘာ ၁၃) ညနေပိုင်း၌ စစ်အာဏာရှင် ဆန့်ကျင်ရေးသပိတ်မစတင်မီ စစ်ကောင်စီက အရပ်ဝတ်ဖြင့် လူငယ်အချို့အား အကြမ်းဖက် ဖမ်းဆီးခဲ့သည်။

” ညနေ ၄ နာရီကျော်လောက်က ​ပန်းပင်ကြီးလမ်းမှာ သပိတ်မစခင် ဝင်ဖမ်းတာလို့ သိရတယ်။ အိမ်စီးကား၊ တက္ကစီတွေနဲ့လာပြီး အရပ်ဝတ်နဲ့ ဝင်ဖမ်းသွားတာပါ။ တချို့ ကလေးတွေ အခုထိ အဆက်အသွယ်မရကြသေးဘူး။ ဘယ်နှစ်ယောက် ပါသွားလဲဆိုတာ ခုထိအတည်မပြုနိုင်သေးပါဘူး “ဟု ဆန္ဒပြသပိတ်များတွင် ပူးပေါင်းပါဝင်သူ လူငယ်တစ်ဦးက ပြောသည်။

ယနေ့ ညနေ ၄ နာရီကျော်တွင် ကြည့်မြင်တိုင်မြို့နယ် ပန်းပင်ကြီးလမ်းပေါ်၌ တက္ကစီတစ်စီးအား စစ်ကောင်စီဝင်များက သေနတ်ဖောက်၍ အကြမ်းဖက်ရိုက်နှက်ဖမ်းဆီးခဲ့ကြောင်း ရပ်ကွက်နေပြည်သူတစ်ဦးက ပြောသည်။

” တက္ကစီတစ်စီးကို အိမ်စီးကားတွေနဲ့ အရပ်ဝတ်ရဲတွေ သေနတ်ဖောက်ပြီး ဝင်ဖမ်းတာလို့ သိရတယ်။ ကလေးတွေကို သူခိုး၊ သူခိုး ဆိုပြီး အော်ပြီး ဝင်ဖမ်းတာလို့လဲ ကြားတယ်။ ပထမ ဘာဖြစ်မှန်း မသိကြဘူး။ နောက်မှ ဆန္ဒပြတဲ့ ကလေးတွေကို အတင်းဝင်ဖမ်းတာလို့ သိရပါတယ်။ လေးယောက်ကျော်လောက် ဖမ်းခံလိုက်ရတယ် “ဟု ၎င်းက ဆိုသည်။

လက်ရှိတွင် ကြည့်မြင်တိုင်မြို့နယ် အထက်ကြည့်မြင်တိုင်လမ်း၊ ပန်းပင်ကြီးလမ်းနှင့် ကမ်းနားလမ်းတို့တွင် စစ်ကား၊ ရဲကားများ လှည့်ပတ်နေကြောင်း ဒေသခံများက ပြောသည်။

ယမန်နှစ် ၂၀၂၁ ဒီဇင်ဘာ ၅ ရက်ကလည်း ကြည့်မြင်တိုင် ပန်းပင်ကြီးလမ်းပေါ်၌ ဆန္ဒပြလူငယ်များကို စစ်ကောင်စီက ကားဖြင့်တိုက်၍ အကြမ်းဖက် ဖမ်းဆီးမှုများ လုပ်ဆောင်ခဲ့သည်။

You May Also Like

ဆောင်းပါး

ရက်ပိုင်းအတွင်းကျေးရွာ​ ၁၀ ရွာ​ကျော် အိမ်​ခြေ ၇၀၀ ​ကျော်ကိုစစ်တပ်ကဖျက်ဆီးပြီး ပြည်သူ ​သောင်းချီ ​နေ့ချင်းညချင်းအိုးမဲ့အိမ်မဲ့ဖြစ်ခဲ့ရသည်။

သတင်း

ဆေးဆိုင်ပိုင်ရှင်ကို CDM ထောက်ပို့လုပ်တယ်လို့ စစ်ကောင်စီရဲ့ဝါဒဖြန့် တယ်လီဂရမ်ချန်နယ် ၂ ခုမှာ ဖြန့်ဝေခံရပြီးနောက် ဖမ်းခံရတာလို့ လည်းစုံစမ်းသိရပါတယ်။

သတင်း

SDGFမှ ရဲဘော်များသည် ပြီးခဲ့သည့် အောက်တိုဘာနှင့် နိုဝင်ဘာလများတွင် ဖမ်းဆီးခံရခြင်းဖြစ်ပြီး မြေပြင်လှုပ်ရှားမှုတာဝန်ခံအပါအဝင် ရဲဘော်ဆယ်ဂဏန်းခန့်ရှိသည်ဟု ဆိုသည်။

သတင်း

အာဏာသိမ်းပြီးချိန်မှ ယနေ့အထိ ခင်ဦးမြို့နယ်ရှိ ကျေးရွာပေါင်း(၅၇)ရွာက နေအိမ်ပေါင်း (၂၆၃၃)အိမ် အထိမီးရှို့ဖျက်ဆီးခံထားရသည်။