Connect with us

Hi, what are you looking for?

LuduNwayOo

သတင်း

လွိုင်​ကော်အ​မြောက်တပ်မှပစ်ခတ်​သော၁၂၀မမကျည်နှစ်လုံးမိုးဗြဲတွင်တပ်စွဲထား​သောစစ်​ကောင်စီတပ်ကိုတည့်တည့်ထိ

စစ်ရေးအခြေအနေမှာဆက်လက်တင်းမာနေသဖြင့် မိုးဗြဲ မြို့တွင်းအသွားအလာလုံးဝ မပြုလုပ်ရန်လည်း မိုးဗြဲPDF က တိုက်တွန်းသည်။

(မိုးဗြဲမြို့တိုက်ပွဲတွင်တိုက်ပွဲဝင်​နေ​သော ပြည်သူ့ကာကွယ်​ရေးတပ်ဖွဲ့ဝင်များ။ဓါတ်ပုံ-MBPDF)
(မိုးဗြဲမြို့တိုက်ပွဲတွင်တိုက်ပွဲဝင်​နေ​သော ပြည်သူ့ကာကွယ်​ရေးတပ်ဖွဲ့ဝင်များ။ဓါတ်ပုံ-MBPDF)

လွိုင်ကော်အမြောက်တပ်မှပစ်ခတ်သည့် ၁၂၀ မမလက်နက်ကြီးကျည်နှစ်ချက်မှာ မိုးဗြဲ မြို့တွင် တပ်စွဲထားသော စစ်ကောင်စီတပ်ထံ တည့်မတ်စွာကျရောက်ခဲ့ပြီး စစ်ကောင်စီတပ်သားများထိခိုက်သေဆုံးမှုများ ပြားကြောင်း မိုးဗြဲပြည်သူ့ကာကွယ်ရေးတပ် MBPDF က ထုတ်ပြန် သည်။

ယမန်နေ့(စက်တင်ဘာ ၂၂ ရက်) ညနေ ၂ နာရီခန့်ကစ၍ည​နေ ၆ နာရီအထိ မိုးဗြဲ မြို့ တိုက်ပွဲမှာ အပြင်းအထန်ဆက်လက်ဖြစ်ပွားခဲ့သည်။

မဟာမိတ်တပ်ပေါင်းစုများ၏ စနိုက်ပါလက် ချက်ဖြင့် စစ်ကောင်စီတပ်သားသုံးဦးသေဆုံးပြီး နောက် စစ်ကောင်စီဘက်က တာဝေးပစ်လက်နက်ကြီးများဖြင့်ပစ်ခတ်ခဲ့ကြောင်း ထုတ်ပြန်ချက်တွင်ဖော်ပြထား သည်။

ထိုသို့ ပစ်ခတ်မှုအနက် လွိုင်ကော်မြို့ အမြောက် တပ်မှ ပစ်ခတ်သည့် ၁၂၀ မမ များထဲမှ ပစ်ချက် နှစ်ခုသည် မိုးဗြဲ စက်တော်ရာတောင်ပေါ်တွင်တပ်စွဲထားသောစစ်ကောင်စီတပ်နေရာပေါ်သို့ တည့်တည့်မတ်မတ်ကျရောက်ခဲ့ရာထိခိုက်သေဆုံးမှုမြောက်များစွာရှိသည်ကို MBPDF က အတည်ပြုနိုင်ခဲ့သည်ဟုအသိ​ပေးထားသည်။

“တိုက်ပွဲ ဖြစ်ပြီဆိုရင် လက်နက်ကြီးပစ်ကူပေးနေတာလွိုင်ကော်မှာက ခလရ ၂၅၀ အမြောက် တပ်။ပြီးတော့ ဒီးမော့ဆိုမှာကမနေ့ကလက်နက်တိုက်မီးလောင်သွားရတဲ့ ငွေတောင်အခြေစိုက် ၁၀၂ တပ်က အဓိကပဲ”ဟုကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။

ယမန်နေ့ကတိုက်ပွဲတွင်လည်း မဟာမိတ်ပူး ပေါင်းတပ်ဖွဲ့မှ ထိခိုက်မှုမရှိခဲ့ဘဲ စစ်ကောင်စီ၏ ထိုးစစ်ကို ဆက်လက်ခုခံနေကြောင်း အသိပေးသည်။

စစ်ရေးအခြေအနေမှာဆက်လက်တင်းမာနေသဖြင့် မိုးဗြဲ မြို့တွင်းအသွားအလာလုံးဝ မပြုလုပ်ရန်လည်း မိုးဗြဲPDF က တိုက်တွန်းသည်။

စစ်ကောင်စီ၏ မိုးဗြဲ မြို့ထိုးစစ်ကိုမိုးဗြဲ PDF နှင့်အတူ ဖယ်ခုံ PDF၊လွိုင်ကော် PDF၊အလယ်ပိုင်း တိုင်း အထူးစစ်ဆင်ရေးအဖွဲ့၊ နေပြည်တော် PDF၊ကရင်နီတပ်မတော် KA၊ ကရင်နီအမျိုးသား များကာကွယ်ရေးတပ် KNDF ၊KGZ နှင့် URF တို့ ပူးပေါင်းခုခံတိုက်ခိုက်နေခြင်းဖြစ်သည်။

ကရင်နီ(ကယား)ပြည်နယ်၏ စစ်ရေးအရ အရေးပါသော နယ်မြေတစ်ခုဖြစ်သည့် မိုးဗြဲမြို့ကို ထိန်းချုပ်ရန်အကြမ်းဖက်စစ်ကောင်စီတပ်က စက်တင်ဘာ ၈ ရက်ကစ၍စစ်ကြောင်းထိုးခဲ့သည်။သို့သော် ကရင်နီတပ်ပေါင်းတပ်၏ခုခံစစ်ကြောင့် စစ်ကောင်စီတပ်က အထိနာ၍ ပြန်လည်ဆုတ်ခွာခဲ့ရသည်။

ထို့နောက် စက်တင်ဘာ ၁၅ ရက်ကစ၍ တကျော့ ပြန်စစ်ကြောင်းထိုးကာ တင့်ကားများနှင့် တာဝေးပစ်လက်နက်ကြီးများပါ စစ်ကောင်စီတပ်က ယူဆောင်လာ၍ထပ်မံထိုးစစ်ဆင်လာသဖြင့် တိုက်ပွဲမှာ ပိုမိုပြင်းထန်နေခြင်းဖြစ်သည်။

နှစ်ပတ်တာ တိုက်ပွဲတွင် ကရင်နီတပ်ပေါင်းစုမှ ရဲဘော်လေးဦးကျဆုံးခဲ့ရပြီး စစ်ကောင်စီတပ်က ၆၀ ဦး​ကျော် သေဆုံးထားပြီး လက်နက်ခဲယမ်းများကို ကရင်နီတပ်ပေါင်းစုက သိမ်းဆည်းရရှိထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

"ပြန်မပစ်ဘူးဗျ ။စခန်းထဲမှာ​​တော့ဆူညံ​နေတာပဲ ။ ရန်သူ​သေတာကို​တော့ တပ်တွင်းသတင်း​ပေးကတစ်ဆင့်သိရတာပါ" ဟု အထက်ပါ ပြန်ကြား​ရေးတာဝန်ခံက​ပြောသည်။

သတင်း

ထိခိုက်ဒဏ်ရာရသည့် စစ်ကောင်စီတပ်သားများအား အဆိုပါတပ်က ကျောင်းသင်္ကန်းစနှင့် ထမ်းစင်ပြုလုပ် သယ်ဆောင်ကာ ဆုတ်ခွာသွားခဲ့ကြောင်း MUA ကပြောသည်။

သတင်း

စစ်ကောင်စီတပ်က စက်လက်များ ၊ စနိုက်ပါများ နှင့် (၆၀)မမများဖြင့် ပြန်လည်ပစ်ခတ်ခဲ့သော် လည်းထိခိုက်မှုမရှိဘဲ အောင်မြင်စွာဆုတ်ခွာနိုင်ခဲ့ကြောင်း အသိပေးသည်။

သတင်း

"အဆိုပါ တိုက်ခိုက်မှုများတွင် စစ်ကောင်စီဘက်မှ (၅) ဦးထက်မနည်းထိခိုက်သေဆုံးခဲ့သည်"ဟု ပြည်သူ့ကာကွယ်ရေးတပ်မတော်၊ မြိတ်ခရိုင်၊တပ်ရင်း(၁)က ဖော်ပြသည်။