Connect with us

Hi, what are you looking for?

LuduNwayOo

သတင်း

ဘုရားသုံးဆူနယ်ရှိ စစ်ကောင်စီတပ်စခန်းတစ်ခုကို သိမ်းပိုက်နိုင်ခဲ့ဟု KNU အတည်ပြု

“ဒုတပ်ရင်းမှူးအပါအဝင် အကုန်လုံးသေတယ်” ဟု တပ်စုမှူးက ပြောကြားခဲ့ပြီး စခန်းကို သိမ်းပိုက်ရခြင်းမှာ ဒေသခံများ သွားလာရေး အခက်ကြုံအောင် လုပ်ဆောင်ခြင်းကြောင့်ဖြစ်သည်ဟု ရှင်းပြသည်။

ဘုရားသုံးဆူနယ်ရှိ စစ်ကောင်စီတပ်စခန်းတစ်ခုကို သိမ်းပိုက်နိုင်ခဲ့ဟု KNU အတည်ပြု
ဘုရားသုံးဆူနယ်ရှိ စစ်ကောင်စီတပ်စခန်းတစ်ခုကို သိမ်းပိုက်နိုင်ခဲ့ဟု KNU အတည်ပြု

▪️ဒုတပ်ရင်းမှူးအပါအဝင် စစ်ကောင်စီတပ်မှ ၁၃ဦးသေဆုံးပြီး လက်နက်ခဲယမ်းများရဟု KIC ဖော်ပြ

ကရင်ပြည်နယ် ကြာအင်ဆိပ်ကြီးမြို့နယ် ဘုရားသုံးဆူဒေသရှိ စစ်ကောင်စီတပ်စခန်းတစ်ခုကို တိုက်ခိုက် သိမ်းပိုက်နိုင်ခဲ့ကြောင်း ကရင်အမျိုးသားအစည်းအရုံး(KNU) ဗဟိုမှ သတင်းရင်းမြစ်တစ်ဦးက ပြောသည်။

ယနေ့(စက်တင်ဘာ ၂၈ရက်) နံနက်ပိုင်းတွင် ဘုရားသုံးဆူဒေသ ဘုရားတောင် စစ်ကောင်စီ စခန်းကုန်းကို ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၁၆)၊ တပ်ခွဲ(၂) တပ်ဖွဲ့မှ တိုက်ခိုက် ခဲ့ရာ စစ်ကောင်စီတပ်က ဒုတပ်ရင်းမှူး အပါအဝင် ၁၃ဦး သေဆုံးခဲ့ကြောင်း ကရင်သတင်းဌာန KIC က ဖော်ပြထားသည်။

Public Service Announcement
Public Service Announcement

ယင်းသို့ဖော်ပြချက်နှင့်ပတ်သက်ပြီး KNU သတင်းရင်းမြစ်က “ဒါကတော့ အတည်ပြုလို့ရပါတယ်”ဟု ပြောကြားပြီး ထိခိုက်ကျဆုံးနှင့် လက်နက်ခဲယမ်းရရှိမှု အခြေအနေကို မသိရသေးဟု ပြောသည်။

KIC သတင်းဌာနက KNLA တပ်ရင်း(၁၆) တပ်ခွဲ မှ တပ်စုမှူးစောကရိတ်၏ ပြောကြားချက်ကို ဖော်ပြထားရာ ခလရ(၂၈၃) တပ်စွဲရာ ဘုရားတောင် တပ်စခန်းစခန်းသိမ်း တိုက်ပွဲမှာ ၁နာရီ ကျော်သာ ကြာမြင့်ခဲ့ပြီး စစ်ကောင်စီတပ်မှ ၁၃ဦး သေဆုံးကာ လက်နက်မျိုးစုံ ၇လက် နှင့် ကျည် ခဲယမ်းများ ရရှိခဲ့သည်ဟု ဆိုသည်။

“ဒုတပ်ရင်းမှူးအပါအဝင် အကုန်လုံးသေတယ်” ဟု တပ်စုမှူးက ပြောကြားခဲ့ပြီး စခန်းကို သိမ်းပိုက်ရခြင်းမှာ ဒေသခံများ သွားလာရေး အခက်ကြုံအောင် လုပ်ဆောင်ခြင်းကြောင့်ဖြစ်သည်ဟု ရှင်းပြသည်။

ယခုလ စက်တင်ဘာ ၂၀ရက်ကလည်း KNLA တပ်ရင်း (၁၈) နှင့် ပူးပေါင်းတပ်ဖွဲ့သည် ကော့ကရိတ်မြို့နယ်ရှိ စစ်ကောင်စီ၏ ကြိတ်တပ်စခန်းကို တိုက်ခိုက်သိမ်းပိုက်ခဲ့ရာ စစ်ကောင်စီတပ်မှ ၇ဦး သေဆုံးပြီး ၂ဦးဒဏ်ရာနှင့် အရှင်ဖမ်းမိခဲ့သည်။ ထို့ပြင် လက်နက်မျိုးစုံ ၁၄လက်ထက်မနည်း ရရှိခဲ့သည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။