Connect with us

Hi, what are you looking for?

LuduNwayOo

သတင်း

ဧရာဝတီမြစ်ရိုးတစ်လျှောက်က နာမည်ကြီးဓားပြဂိုဏ်းကို ရွှေဘိုခရိုင် PDF ဖမ်းဆီး

ဖမ်းဆီးရမိထားသော ဓားပြဂိုဏ်းဝင်များနှင့် ၎င်းတို့လုယက်ဓားပြတိုက်ထားသော သက်သေခံ ပစ္စည်းများအားလုံးကို သက်ဆိုင်ရာအဆင့်ဆင့်သို့တင်ပြပြီး လွှဲပြောင်းအပ်နှံသွားမည်ဖြစ်ကြောင်း ရွှေဘိုခရိုင် PDF တပ်ရင်း (၁၈)က အသိပေးထားသည်။

ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)
ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)

ဧရာဝတီမြစ်ရိုးတစ်လျှောက် နာမည်ကြီးနေသည့် ဓားပြဂိုဏ်းတစ်ခုကို ဖော်ထုတ်ဖမ်းဆီးနိုင်ခဲ့ကြောင်း ရွှေဘိုခရိုင် PDF တပ်ရင်း (၁၈)က ပြောသည်။

အဆိုပါဓားပြဂိုဏ်းမှာ မန္တလေးတိုင်း မတ္တရာမြို့နယ်အတွင်းရှိ ဧရာဝတီမြစ်ရိုးတစ်လျှောက်တွင် လုယက်ဓားပြတိုက်နေသည့် ၁၅ဦးပါ ဓားပြဂိုဏ်းဖြစ်ပြီး ၎င်းတို့အခြေစိုက်ရာ မတ္တရာနယ် စိန်ပန်းကုန်းရွာသို့ စက်တင်ဘာ ၂၃ ရက်က ဝင်ရောက်စီးနင်းဖမ်းဆီးခဲ့ခြင်းဖြစ်သည်ဟု တပ်ရင်း (၁၈)က ဆိုသည်။

ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)
ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)

ထိုသို့စီးနင်းရာတွင် တပ်ရင်း (၁၈)မှ တော်လှန်ရေးရဲ ဘော်များအထိအခိုက်မရှိဝင်ရောက်စီးနင်းနိုင်ခဲ့ပြီး ဓားပြဂိုဏ်းမှ အမျိုးသား ၁၄ဦးနှင့် အမျိုးသမီးတစ်ဦး စုစုပေါင်း ၁၅ဦးကို ၎င်းတို့ကိုင်ဆောင်သည့် တုတ်ဓားလက်နက်များနှင့်အတူ ဖမ်းဆီးရမိခဲ့ကြောင်း တပ်ရင်း (၁၈)မှ တာဝန်ရှိသူတစ်ဦးက ပြောသည်။

“ဓားပြခေါင်းဆောင် နိုင်ဝင်းနဲ့ ငြိမ်းဇော်တို့အုပ်စုထံကနေ သက်သေခံပစ္စည်းတွေပါ သိမ်းဆည်းရရှိထားပါတယ်”ဟု အထက်ပါတာဝန်ရှိသူက ဆိုသည်။

ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)
ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)

ဓားပြခေါင်းဆောင်နိုင်ဝင်းနှင့် ငြိမ်းဇော်အပါအဝင် အင်အား ၁၅ဦးကို ၎င်းတို့၏ တိုက်ရာပါ ပစ္စည်းများ၊ ကိုင်ဆောင်သောလက်နက်များနှင့်တကွ သက်သေခံပစ္စည်းများစွာဖြင့် ဖမ်းဆီးရမိခဲ့ကြောင်း၊ တပ်ရင်းရဲဘော်များ ထိခိုက်မှုလုံးဝမရှိကြောင်း ဝက်လက်မြို့နယ်တော်လှန်ရေးအင်အားစုမှ ဗိုလ်စွန်ရဲက ပြောသည်။

၎င်းဓားပြများသည် ဧရာဝတီမြစ်အတွင်း ကျွန်းပေါ်ရွာများနှင့် မြစ်ဘေးကျေးရွာများကို ပစ်မှတ်ထား ဓားပြတိုက်လေ့ရှိကြောင်း ဒေသခံများက ပြောသည်။

ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)
ဓာတ်ပုံ-ဝက်လက်မြို့နယ်၊ နယ်စည်းမခြားတော်လှန်ရေးအင်အားစု၊ရွှေဘိုခရိုင်တပ်ရင်း (၁၈)

ဓားပြဂိုဏ်းမှ သိမ်းဆည်းရရှိထားသည့်ပစ္စည်းများတွင် ရွှေထည်ပစ္စည်းများ၊ ငွေကြေးအချို့၊ မီးစက်ငါးလုံး၊ ဆိုလားပြားများ၊ ကားဘက်ထရီအိုးများနှင့် လက်ကိုင်ဖုန်းများအပါအဝင် အခြားလူသုံးကုန်ပစ္စည်းများပါဝင်သည်ကို တွေ့ရသည်။

ဖမ်းဆီးရမိထားသော ဓားပြဂိုဏ်းဝင်များနှင့် ၎င်းတို့လုယက်ဓားပြတိုက်ထားသော သက်သေခံ ပစ္စည်းများအားလုံးကို သက်ဆိုင်ရာအဆင့်ဆင့်သို့တင်ပြပြီး လွှဲပြောင်းအပ်နှံသွားမည်ဖြစ်ကြောင်း ရွှေဘိုခရိုင် PDF တပ်ရင်း (၁၈)က အသိပေးထားသည်။

You May Also Like

သတင်း

စစ်ကောင်စီသည် အန္ဒိယနိုင်ငံဘက်မှ တင်သွင်းလာသည့် စစ်လက်နက်ပစ္စည်းများကို တမူး-ကလေးလမ်းမကြီးအတိုင်း သယ်ယူလာပြီး ပြည်သူ့ကာကွယ်ရေးမဟာမိတ်များက တားဆီးနိုင်ရန် ကြိုးစားနေသည်။

သတင်း

ပုလောမြို့၊ ကဒဲကျေးရွာအနီးတွင်နိုဝင်ဘာ ၂၅ ရက်နေ့လယ်ပိုင်းက တိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၅ ဦးသေဆုံးပြီး ၅ဦးထက်မနည်း ဒဏ်ရာရရှိခဲ့ခြင်းဖြစ်သည်။

သတင်း

ယခုအခါ စစ်ကောင်စီတပ်သည် အဆိုပါယူနီဖောင်းများဝတ်ဆင်ပြီး ကျေးရွာများကို မီးလိုက်ရှို့ခြင်း၊ အများပြည်သူနေအိမ်များကိုဖျက်ဆီးခြင်းများ ပြုလုပ်ကာ တပ်ရင်းကို အများပြည်သူအထင်လွဲအောင် လုပ်ဆောင်နေကြောင်း ဗိုလ်စွန်ရဲက ပြောသည်။

သတင်း

ထို့နောက် မွန်းလွဲ ၂နာရီခန့်တွင် စစ်အုပ်စုက ရဟတ် ယာဥ်ဖြင့် မုံလှကျေးရွာအား ၁နာရီကြာ ပစ်ခတ်တိုက်ခိုက်ခဲ့ရာ ရဲ​ဘော်ကိုလှိုင်ဝင်းအပါအဝင် ဒေသကာကွယ်ရေးအဖွဲ့ဝင်ရဲဘော်၆ ဦး ကျဆုံးခဲ့ခြင်းဖြစ်သည်။