Connect with us

Hi, what are you looking for?

LuduNwayOo

သတင်း

တမူးမြို့တွင် စစ်ကောင်စီတပ်က အရပ်သားများကို အကာအကွယ်ယူ၍ တပ်အချိန်းအပြောင်းလုပ်ရန် ပြင်ဆင်နေ

တမူးမြို့မှ စစ်ကောင်စီတပ်သည် ကလေးမြို့အခြေစိုက် ခြေလျင်တပ်ရင်းတစ်ခုဖြင့် တပ်အချိန်းအပြောင်းပြုလုပ်ရန် စက်တင်ဘာလကစ၍ ကြိုးစားနေခြင်းဖြစ်သည်။

တမူးမြို့တွင် စစ်ကောင်စီတပ်က အရပ်သားများကို အကာအကွယ်ယူ၍ တပ်အချိန်းအပြောင်းလုပ်ရန် ပြင်ဆင်နေ
တမူးမြို့တွင် စစ်ကောင်စီတပ်က အရပ်သားများကို အကာအကွယ်ယူ၍ တပ်အချိန်းအပြောင်းလုပ်ရန် ပြင်ဆင်နေ

စစ်ကိုင်းတိုင်း တမူးမြို့တွင် ပြည်သူ့ကာကွယ်ရေးတပ်ဖွဲ့များကို ကြောက်လန့်၍ မြို့ပြင်မထွက်ရဲသည့် စစ်ကောင်စီတပ်က အရပ်သားကားများကို ချောဆွဲ အကာအကွယ်ယူပြီး မြို့အပြင်ထွက်နိုင်ရန် ပြင်ဆင်နေကြောင်း အဆိုပါမြို့ဒေသခံများက ပြောသည်။

တမူးမြို့အခြေစိုက် စစ်ကောင်စီခြေလျင်တပ်ရင်း (၈၉)သည် ကလေးမြို့ တပ်ရင်းတစ်ခုဖြင့် တပ်အပြောင်းအရွှေ့ပြုလုပ်ရန် ကြိုးစားနေသည်။ သို့သော် တမူး-ကလေး အာရှလမ်းမကြီးတစ်လျှောက်မှ ပြည်သူ့ကာကွယ်ရေး တပ်ဖွဲ့များ၏ တိုက်ခိုက်မှုကို ရင်မဆိုင်ရဲ၍ မြို့အပြင်သို့ မထွက်ရဲသေးကြောင်း ​ဒေသခံများက ပြောသည်။

“၈၉ တပ်ထဲနဲ့ တပ်ရှေ့မှာ အသင့်အနေအထားနဲ့ နေနေကြတာ တစ်ပတ်ကျော်ပြီ။ မြို့ပြင်ကို ထွက်ရင် တိုက်ခိုက်ခံရမှာကို သိတော့ မထွက်ရဲကြဘူး။ ဒီရက်ထဲမှာ အရပ်သားတွေရဲ့ ကားတွေကိုချောဆွဲထားတယ်။ အရပ်သားကားတွေနဲ့ ထွက်မယ့်အခြေအနေရှိတယ်”ဟု တမူးမြို့ခံတစ်ဦးက ပြောသည်။

Public Service Announcement
Public Service Announcement

တမူးမြို့မှ စစ်ကောင်စီတပ်သည် ကလေးမြို့အခြေစိုက် ခြေလျင်တပ်ရင်းတစ်ခုဖြင့် တပ်အချိန်းအပြောင်းပြုလုပ်ရန် စက်တင်ဘာလကစ၍ ကြိုးစားနေခြင်းဖြစ်သည်။ သို့သော် မြို့ပြင်ထွက်သည်နှင့် တစ်ပြိုင်နက် ပြည်သူ့ကာကွယ်ရေးအဖွဲ့များက တိုက်ခိုက်နေ၍ တမူးမြို့ တပ်ရင်းထဲသို့ ပြန်လည်ဆုတ်ခွာနေရသည်။

“စစ်ခွေးတွေက အရပ်သားတွေကို အကာအကွယ်ယူပြီ တက်လာမယ့်သဘောရှိတယ်။ စစ်ကောင်စီနဲ့ တတ်နိုင်သမျှ ခပ်ဝေးဝေးနေဖို့ မေတ္တာရပ်ခံပါတယ်”ဟု ပြည်သူ့ကာကွယ်ရေးရဲဘော်တစ်ဦးက ပြောသည်။

တမူးမြို့တွင် စစ်ကောင်စီတပ်သည် မြို့အတွင်း၌သာ လှုပ်ရှားနိုင်ပြီး မြို့ပြင်တွင် ပြည်သူ့ကာကွယ်ရေးတပ်ဖွဲ့များက နယ်မြေစိုးမိုးထားသည်။ စက်တင်ဘာလအတွင်း တမူးမြို့ပြင်တိုက်ပွဲများတွင် စစ်ကောင်စီအလွန်အထိနာခဲ့ပြီး ပြည်သူ့ကာကွယ်ရေးရဲဘော်နှစ်ဦးလည်း ကျဆုံးခဲ့သည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။