သိမ်းထားသည့် ကပစကားများ​ပေါ်မှကုန်ကြမ်းပစ္စည်းများဖြင့်မိုင်းနှင့်လက်နက်ကြီးထုတ်လုပ်

▪︎ပိုမိုထုတ်လုပ်နိုင်ရန် ပြည်သူများအကူအညီ​ပေးရန်မေတ္တာရပ်ခံ

စစ်ကောင်စီတပ်၏ ကာကွယ်​ရေးပစ္စည်းစက်ရုံ(ကပစ)အတွက်ကုန်ကြမ်းသယ်လာ​​သောကားများကိုတိုက်ခိုက်သိမ်းဆည်းရရှိထားသည့် ကုန်ကြမ်းပစ္စည်းများဖြင့် မိုင်းနှင့် တာဝေးပစ်လက်နက်ကြီးများကိုထုတ်လုပ်​နေ​ကြောင်းThe Youth Force (​​ဆော နှင့်​ကျောက်ထု)အဖွဲ့မှတာဝန်ရှိသူက​ပြောသည်။

“လက်နက်ကြီးတွေက စမ်းသပ်ထုတ်လုပ်ဆဲပါဗျ၊ မိုင်းကိုပဲ အဓိက ထုတ်လုပ်အသုံးပြုတာပါ”ဟုအထက်ပါတာဝန်ရှိသူကပြောသည်။

မိုင်းအလုံး ၂၀၀ ထုတ်လုပ်ပြီးဖြစ်ပြီး လက်နက်ကြီးကိုစမ်းသပ်ထုတ်လုပ်ဆဲဖြစ်ကာ ဆက်လက်ထုတ်လုပ်ရန်အတွက် လိုအပ်သည့် ဆက်စပ်ပစ္စည်းများ ဝယ်ယူနိူင်ရန် ငွေကြေးလိုအပ်နေခြင်းကြောင့် ပြည်သူများထံ အကူအညီတောင်းခံ​ကြောင်းလည်းအဆိုပါတာဝန်ရှိသူကပြောသည်။

မဟာမိတ်တပ်ဖွဲ့များနှင့် ၎င်းတို့အဖွဲ့သည် မိုင်းများနှင့် လက်နက်ကြီးထုတ်လုပ်ရာတွင် ကပစ ကားများသိမ်းဆည်းရခဲ့စဉ်က ရရှိထားသည့် ကုန်ကြမ်းပစ္စည်းများကို အဓိက အသုံးပြုခြင်းဖြစ်သည်ဟု ၎င်းကပြောသည်။

Public Service Announcement

The Youth Force- Saw & Kyaukhtu အဖွဲ့သည် NUG ကာကွယ်ရေးဝန်ကြီးလက်အောက်ခံ တပ်ဖွဲ့တစ်ခုအဖြစ် လျောက်ထားဆဲဖြစ်သည်ဟု အထက်ပါတာဝန်ရှိသူကပြောသည်။

သရက်မြို့နယ်အခြေစိုက် ကာကွယ်ရေးပစ္စည်းစက်ရုံ (ကပစ) အမှတ် – ၁၂ မှ လာသည့် ယာဉ်တန်းကို ၂၀၂၂ ဧပြီ၆ ရက် ညနေ ၅ နာရီခန့်က ပေါက်မြို့နယ် ပုသိမ်-မုံရွာ လမ်းမကြီးပေါ်ရှိ ရှားပင်ရေကျေးရွာအနီးတွင် ဒေသခံကာကွယ်ရေးအဖွဲ့များက တိုက်ခိုက်ခဲ့သည်။ ထို​နောက်ဗိုလ်ကြီးအပါအဝင် ၇ ဦးကို ​သေနတ ၇ လက်နဲ့အတူ ကား​ပေါ်က လက်နက်ကြီးထုတ်လုပ်မယ့် ကုန်ကြမ်းပစ္စည်း​တွေကိုပါ PDF​တွေကဖမ်းဆီးသိမ်းယူခဲ့သည်။ပေါက်မြို့နယ် ကပစ-၂၄ သို့ သွားမည့် ယာဉ်များပေါ်တွင် ၆၀ မမ၊ ၈၁ မမ မော်တာဗုံးသီးကုန်ကြမ်းများလည်းသိရသည်။