ပဲခူးတိုင်း နတ္တလင်းမြို့နယ်ထဲ စစ်ကူလာသည့် စစ်ကောင်စီတပ်စစ်ကြောင်းကို ပဒေသာမိုင်းသုံးလုံးဖြင့် ဖောက်ခွဲတိုက်ခိုက်ခဲ့ကြောင်း သာယဝတီခရိုင် PDF တပ်ရင်း (၃၈၀၁)၊ တပ်ခွဲ (၄)MRF – Nattlin က ပြောသည်။
ယမန်နေ့ (အောက်တိုဘာ ၁၅ ရက်)က နတ္တလင်းမြို့နယ်သို့ စစ်ကူလာသည့် အင်အား ၄၀ခန့်ပါစစ် ကြောင်းကို ဗမာဆင်စွဲရွာနှင့် ပျဥ်းမခေါင်းကျေးရွာကြားတွင် MRF – Nattlin က ပဒေသမိုင်းများဖြင့် ဖောက်ခွဲတိုက်ခိုက်ခဲ့ရာ စစ်ကောင်စီတပ်မှ ထိခိုက် သေဆုံးမှုရှိသည်ဟု ဆိုသည်။
“စစ်ကူလာတဲ့ စစ်ကြောင်းပါ ခင်ဗျ။ အင်အား ၄၀ ခန့်ပါ ပါတယ်။ အထိုင်စစ်ကြောင်းနဲ့ပေါင်းပြီး ပျဥ်းမခေါင်းရွာထဲ တပ်စွဲထားပါတယ်”ဟု သာယာဝတီခရိုင် PDF တပ် ရင်း (၃၈၀၁)၊ တပ်ခွဲ (၄)မှ တော်လှန်ရေးရဲဘော်တစ်ဦးက ပြောသည်။
ထို့အပြင် အောက်တိုဘာ ၉ ရက်နှင့် ၁၁ ရက်များတွင် ပျဥ်းမခေါင်းအုပ်စု ကရင်ဆင်စွဲကျေးရွာဘက် ရောက်ရှိနေသည့် စစ်ကောင်စီတပ်စစ်ကြောင်းများကို သာယာဝတီခရိုင် PDF တပ်ရင်း (၃၈၀၁)၊ တပ်ခွဲ (၂)နှင့် တပ်ခွဲ (၄)တို့က ပူး ပေါင်းတိုက်ခိုက်ခဲ့ပြီး စစ်ကောင်စီတပ်မှ အထိနာခဲ့သည်။
Public Service Announcement
ထို့ကြောင့် တိုက်ပွဲများဖြစ်ပွားရာ ပျဥ်းမခေါင်းအုပ်စုဘက်သို့ စစ်ကောင်စီတပ်က စစ်ကူများတောက်လျှောက်စေလွှတ်နေပြီး ကျေးရွာများသို့ စစ်ကြောင်းထိုးနေသောကြောင့် အနီးဝန်းကျင် ကျေးရွာများမှ ဒေသခံပြည်သူများ ဘေးလွတ် ရာ ရှောင်တိမ်းနေကြရသည်။
