ရဟတ်ယာဉ်ဌားရမ်း၊ ဝယ်ယူတဲ့ ကိစ္စနဲ့ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပေါ် စွပ်စွဲထားတဲ့ အဂတိ အမှု ၅ မှုကို စွဲချက် တင် မတင် မနက်ဖြန် မှာ နေပြည်တော်အချုပ်ထောင်တွင်း စစ်ကောင်စီတရားရုံးက အမိန့်ချဖိုရှိနေပါတယ်။
ဒီအမှုမှာ အမှုတွဲတွေအဖြစ် ဒေါ်အောင်ဆန်းစုကြည်နဲ့အတူ သမ္မတ ဦးဝင်းမြင့် ၊ NLD လူကယ်ပြန်ဝန်ကြီး ဒေါက်တာဝင်းမြတ်အေးတို့ကို စစ်ကောင်စီက တရားစွဲထားတာပါ။
စွဲဆိုထားတဲ့ အမှု ၅ မှု ဟာ ထောင်ဒဏ် ၁၅ နှစ်ထိချလို့ရတဲ့ ပုဒ်မတွေနဲ့စွဲဆိုထားတာဖြစ်တယ်လို့ တရားရုံးနဲ့နီးစပ်သူတွေထံကသိရပါတယ်။
ဒါအပြင် စစ်ကောင်စီဟာ မဖြစ်မနေ စွဲချက်တင်ဖို့ရှိနေပါတယ်။
NLD အစိုးရလက်ထက်က သဘာဝဘေးအန္တရာယ်အရေးတွေမှာ အသုံးပြုဖို့ ပုဂ္ဂလိက ရဟတ်ယာဉ်တစ်စီးကို ဌားရမ်းတာ နဲ့ ပြည်ပကနေ ရဟတ်ယာဉ် ဝယ်ယူတာရှိခဲ့ပါတယ်။
ဒီလို ဌားရမ်း ဝယ်ယူ ရာမှာ နိုင်ငံဘဏ္ဍာ နစ်နာတယ်ဆိုကာ စစ်ကောင်စီက တရားစွဲတာပဲဖြစ်ပါတယ်။